4:05 AM
nanda
တို့မြတ်စွာဘုရား သာသနာမှာ
လက်ဝဲတော်ရံ လက်ယာတော်ရံဆိုတာ မရှိဘူးလား"ရှိပါတယ်ဘုရား
"လက်ဝဲတော်ရံဆိုတာ "တန်ခိုးအရာမှာ ဧတဒဂ်ရတဲ့
အရှင်မဟာမောဂ္ဂလာန်ပါဘုရား" လက်ယာတော်ရံဆိုတာ
"ပညာအရာမှာ ဧတဒဂ်ရတဲ့ အရှင်သာရိပုတ္တရာပါဘုရား"
ဟုတ်ပြီဗျာ.. တန်ခိုးက လက်ဝဲ၊ ပညာက လက်ယာ...
တန်ခိုးဆိုတာ အာသဝေါတရားတို့ရဲ့ ကုန်ရာခန်းရာ အရဟတ္တဓဇ၊
အရဟတ္တရဲ့အလံတံခွန်သာဖြစ်တယ်။ ပညာဆိုတာကတော့ ၀ိပဿနာပညာ၊
မဂ်ပညာ၊ ဖိုလ်ပညာကနေ နိဗ္ဗာန်ကို ရဖို့ ရောက်ဖို့ မဟုတ်လား။
ပုထုဇဉ်တို့ရဲ့စိတ်သဘာဝဆိုတာ အဆန်းကြိုက်၊ တစ်ခုရိုး တစ်မျိုးပြောင်းပြီး
တစ်သံသရာလုံး ဆန်းတယ်ထင်တာတွေနောက်လိုက်ခဲ့ကြတယ်။ ရိုင်းရိုင်းပြောရရင်
လမ်းဘေးက မျောက်ပွဲ၊ မျက်လှည့်ပွဲကအစ ဆန်းတယ်ထင်တာ မှန်သမျှမှာ
လူတွေမေ့မျော သာယာနေတတ်ကြတယ်။ ဒီတော့ တန်ခိုးရဲ့ ဆန်းဆန်းပြားပြား ဖမ်းစားမှုအပေါ် မေ့လျော့တွေဝေ သာယာနေကြရင် မဂ်ပညာ ဖိုလ်ပညာကွယ်မှာပဲ၊
မဂ်ပညာ ဖိုလ်ပညာကွယ်ရင် သာသနာကွယ်မှာပဲ။ သာသနာကွယ်ပြီ
ဆိုတာနဲ့ သတ္တ၀ါတွေရဲ့ သံသရာဝဋ်ဆင်းရဲ ဒုက္ခအပေါင်းက လွတ်မြောက်ရာ တရားတွေလည်း
ကွယ်တာပဲ။ ယောဂီတို့
တရားထိုင်ရာမှာလည်း တင်ပျဉ်ခွေကြား လက်နှစ်ဖက် ယှက်တင်တဲ့အခါ လက်ဝဲလက်ကို အောက်က လက်ယာလက်ကို အပေါ်က ထားရတာလည်း ဒီသဘောပဲ။ လက်ဝဲဆိုတဲ့ တန်ခိုးသဘောကို လက်ယာဆိုတဲ့ ပညာက ဖုံးထားအုပ်ထား
ဆင့်ထားရတယ်။ တစ်နည်းအားဖြင့်တော့ လက်ဝဲက သမထ၊ လက်ယာက
ဝိပဿနာ။ သမထ တန်ခိုးကိုသာ ပြလိုက်လို့ကတော့ အညှီ
ယင်အုံသလို နေတော့မှာပေါ့။ ရုပ် နာမ် ဖြစ်ပျက်တွေ
အနိစ္စ ဒုက္ခ အနတ္တတွေ ဘာမှဟောလို့  ပြောလို့ နားဝင်တော့မှာ မဟုတ်ဘူး။ တန်ခိုးပြမိရင်
တန်ခိုးပဲ ကိုးကွယ်မှာ။ ၀ိပဿနာပညာ၊ ဖိုလ်ပညာ၊ မဂ်ပညာတွေဆိုတာ ကျင့်ကြံအားထုတ်ရမှန်းတောင်
သိမှာမဟုတ်တော့ဘူး။
တန်ခိုးလောက်ရင် မိန်းမောနေရင် သံသရာဝဋ်ဆင်းရဲက မလွတ်မြောက်နိုင်ဘူး။
ဒါ့ကြောင့်တန်ခိုးဆိုတာ ဖုံးထားအပ်သောအရာ၊ ပညာသာလျှင်
အမြဲအစဉ် ဖွင့်ထားအပ်သောအရာ၊ ဖော်ထားအပ်သော အရာ၊
ဒါကြောင့် တန်ခိုးကို ကိုယ်စားပြုတဲ့ လက်ဝဲဘက်ကို
သင်္ကန်းနဲ့ဖုံးထားရတယ်။ ပညာကိုကိုယ်စားပြုတဲ့ လက်ယာဘက်ကိုတော့ ဖွင့်ပြထားရတယ်၊ ဖော်ထားရတယ်။ (မဟာဗောဓိမြိုင်ဆရာတော်ကြီး-
(ဆရာမောင်သွေးချွန်စုစည်းသော ဘာ့ကြောင့် ၁+၂ ပေါင်းချုပ်
စာအုပ်မှ ကောက်နုတ်ပူဇော်ပါသည်၊)
9:05 PM
nanda
ရဟန်းတော်များ
ဘာကြောင့် ခေါင်းရိတ်ကြရတာလဲ?
=================================
ရဟန်းတော်များဘာကြောင့်ခေါင်းရိတ်ကြရတာလဲ(သို့)ဆံပင်၌ အပြစ်(၁၆)ပါး
======================================================
ရဟန်းတော်တွေ ကိုရင်လေးတွေ သီလရှင်လေးတွေ ဘာကြောင့်ခေါင်းရိတ်ကြရတာလဲဆိုတဲ့
အကြောင်းလေးကိုသိစေချင်ပါတယ်။
အဲဒီအကြောင်းကိုအရှင်နာဂသိန်ထေရ်လောင်းလျာသူငယ်လေးက မေးလို့အရှင်ရောဟန ထေရ်က
ဖြေကြားထားတဲ့ ဆံပင်မှာ ဗလိဗောဓ ကြောင့်ကြဖွယ်အပြစ် ၁၆-ပါးရှိတယ်လို့ဆိုပါတယ်။
အဲဒီ၁၆ပါးသောအပြစ်ကြောင့်ရဟန်းတော်များ၊ကိုရင်များ၊သီလရှင်များခေါင်းရိတ်ကြရတာဖြစ်ပါတယ်။
အဲဒီအပြစ် ၁၆-ပါးက ဘာတွေလဲလို့ဆိုတော့
(၁)ဆံပင်ကို တန်ဆာဆင်ရခြင်း။
(၂)။ ပြေပြစ်ချောမွေ့အောင် ပြုပြင်ရခြင်း(ယခုခေတ်အလို ဆံပင်ဖြောင့်ခြင်း
ကောက်ခြင်း)။
(၃)။ဆီလိမ်းရခြင်း။
(၄)။ခေါင်းလျှော်ရခြင်း။
(၅)။ပန်းပန်ရခြင်း။
(၆)။ခေါင်းလိမ်းဆီမွှေးသုတ်လိမ်းရခြင်း။
(၇)။ခေါင်းလျှော်ရန် ကင်ပွန်းသီး ဆီ စသည်တို့ဖြင့် (ထုံရ)နှဲရခြင်း။
(၈)။သဖန်းခါးသီးရှာရခြင်း။
(၉)။သျှစ်သျှားသီးရှာရခြင်း။
(၁၀)။ဆံပင်နက်အောင် ဆေးဆိုးရခြင်း။
(၁၁)။ဦးသျှောင်ထုံးရခြင်း။
(၁၂)။ဘီးဖြင့် ဖြီးရခြင်း။
(၁၃)။ပြုရ၊ပြင်ရခြင်း။
(၁၄)။ထုံးပြီး ဦးသျှောင်ကို အခါအားလျှော်စွာပြန်ပြင်ရခြင်း။
(၁၅)။သန်းရှာခြင်း၊
(၁၆)ဆံပင်ကျွတ်ခဲ့သော် ပြတ်ခဲ့သော် စိုးရိမ်ရခြင်း။
ပင်ပန်းရခြင်း၊ငိုကြွေးမြည်တမ်းရခြင်း၊ရင်ဘတ်စည်တီးရခြင်းညည်းတွားရခြင်းလွန်စွာတွေဝေရခြင်းတို့ဖြစ်ပါတယ်။
ရဟန်းတော်များကိုရင်များသီလရှင်များဆံပင်များရှိနေပါကကြည်ညိုဖွယ်မဖြစ်သလိုထိုဆံပင်ကြောင့်အချိန်ပိုကာအချိန်များစွာပေးရကာပရိယတ္တိအလုပ်များကိုကောင်းစွာမလုပ်နိုင်သလိုပဋိပတ်ဆိုတဲ့
ဝိပဿနာအလုပ်များကိုလည်း အားလျော့စေပါတယ်။
ဒီအပြစ်တွေကြောင့် သာသနာကိုဝင်ရင် ခေါင်းရိတ်ကြရတာဖြစ်တယ်ဆိုတဲ့အကြောင်းအားလုံးကို
သိစေအပ်ပါသည်။
တရားအသိဥာဏ်များ တိုးပွါးနိုင်ကြပါစေ...။ မျှဝေပါသည်။
Yangon (Rangoon) Time