၂၀၁၂- ပညာသင်နှစ် တွဲလက်များ ပညာရေးကူညီမှု အသင်း အလှူမှတ်တမ်းပုံများ

အစိုးရမူလတန်းကျောင်း မရခင်က ဘုန်းတော်ကြီးသင်ပညာရေးကျောင်းဆောင်...

This is default featured post 2 title

Go to Blogger edit html and find these sentences.Now replace these sentences with your own descriptions.

This is default featured post 3 title

Go to Blogger edit html and find these sentences.Now replace these sentences with your own descriptions.

This is default featured post 4 title

Go to Blogger edit html and find these sentences.Now replace these sentences with your own descriptions.

This is default featured post 5 title

Go to Blogger edit html and find these sentences.Now replace these sentences with your own descriptions.

Monday, April 30, 2012

တစ်ထောင်ငါးရာထက်ကျော်သွားသော ငါးရာနှစ်ဆယ့်ရှစ်

11:48 PM  nanda  No comments

ညိုသလိုလိုနဲ့ ပြိုမလိုလိုဖြစ်နေပြီး မဲမှောင်နေတဲ့တိမ်တွေကို ကျွန်တော်ငေးကြည့်နေရင်းမှာပဲ ရာဇဝင်လား ဒိုင်ယာရီလား ပုံပြင်လားတော့ ကျွန်တော်မသိခဲ့ပါဘူး ဖြစ်တာတော့ဖြစ်ပျက်ခဲ့ပါတယ် အို.....အသင်လောကကြီးရေ မင်းကိုတော့ သတ်သေတည်လိုက်ပြီ

ဖွားဖွား ဖေဖေမပြန်လာသေးဘူးလား သားဖေဖေကိုသတိရနေပြီ

ဘယ်လိုခေါ်လိုက်တယ် နင့်ကို အဖေလို့မခေါ်နဲ့လို့ပြောထားတာ နားမလည်ဘူးလား မင်းလွင်က နင့်အဖေမဟုတ်ဘူး

ဖွားဖွားကလဲ သားမေ့သွားလို့ပါ ဦးဦးလို့ပဲခေါ်တော့မယ်နော်

နောက်မမေ့စေနဲ့ နောက်တစ်ခါ မင်းလွင်ကို ဖေဖေလို့ခေါ်ရင် နင့်ကို ရိုက်မယ်

ဟုတ်ကဲ့ပါ သားနောက်မမေ့စေရပါဘူး

ကျွန်တော်မှာ သားတစ်ယောက်ရှိခဲ့တယ် ဒါပေမဲ့ သားတစ်ယောက်က အဖေတစ်ယောက်ကို အဖေလို့ ခေါ်ခွင့်မရှိခဲ့ပါဘူး ဘာလို့ခေါ်ခွင့်မရှိရတာလဲဆိုတာကတော့ ကျွန်တော် မိဘတွေသဘောမတူတဲ့ မိန်းကလေးနဲ့ ချစ်ကြိုက်ပြီး ခိုးယာလိုက်ပြေးပြီး ဘဝတစ်ခုကိုတည်ဆောက်ခဲ့ပါတယ် ကျွန်တော်ချစ်သူက ဆင်းရဲတော့ မိဘတွေက သဘောမတူကြဘူး သဘောမတူတဲ့ခြားထဲကပဲ အိမ်ထောင်တစ်ခုကိုတည်ဆောက်ခဲ့တယ်

မောင် အလုပ်ကိစ္စနဲ့ ခရီးထွက်မှာ ဘယ်လောက်တောင်ကြာမှာလဲဟင်

မောင်လဲ ဘယ်သိပါ့မလဲ ချစ်ရယ် မသွားမဖြစ်လို့သာ မောင်သွားရတာပါ ချစ်ကိုနည်းနည်းလေးမှ စိတ်ချတာမဟုတ်ဘူး ဒီကြားထဲ ချစ်က ကိုဝန်နေ့စေ့လစေ့ကြီးနဲ့ဆိုတော့ မောင်ပိုပြီးစိတ်ပူရတာပေါ့

ချစ်အတွက်စိတ်မပူပါနဲ့မောင်ရယ် မောင်သာလမ်းခရီးသွားတာ ကျမ်းမာရေးကိုဂရုစိုက် ဟုတ်ပြီလား အခု ချစ် အဝတ်အစားတွေ အားလုံးထည့်ပြီးသွားပြီ

ဟုတ်ပါပြီ ချစ်ရယ် ဒါနဲ့ ညရေးညခါ အစဉ်ပြေရအောင် ချစ်ရဲ့သူငယ်ချင်း နှင်းဝေကို အဖော်ခေါ်အိပ်ပါလား မောင်ပြောထားလိုက်မယ်လေ

တော်ပါပြီမောင်ရယ် သူလဲသူ့အလုပ်နဲ့သူ လုံးလည်ချာလည်လိုက်နေတာ သတ်သတ်ဒုက္ခပေးသလိုမျိုးဖြစ်နေပါအုံးမယ် ဘာမှစိတ်မပူနဲ့ ချစ်တစ်ယောက်ထဲနေတက်တယ် ကဲ မောင်လဲနောက်ကျနေအုံးမယ်
ကဲအဲ့ဒါဆိုမောင်သွားပြီနော်
သွားတာသွားခဲ့ရတယ်  ကျွန်တော်  ကျွန်တော်မိန်းကိုကို  နည်းနည်းလေးမှ   စိတ်မချခဲ့ပါ   ချစ်ဇနီးမယားဆီကိုပြန်ဖို့အတွက်ကုန်ဆုံးတဲ့အချိန်တွေက  ကျွန်တော်အတွက်နှေးကွေးနေသလိုပါပဲ   သတိလဲရနေမိတယ်  စိတ်လဲပူနေမိတယ်   စိတ်ပူနေတဲ့အချိန်မှာပဲ
ကလင်  ကလင်  ကလင်....ကလင်
ဟယ်လို
ဟယ်လိုလုပ်မနေနဲ့   မင်းမိန်းမ  အခုဆေးရုံမှာကွ 
ဟာ  ဟုတ်လား  ဘယ်လိုလဲ   အစဉ်ကောပြေရဲ့လား  
ငါလဲမပြောတက်ဘူးကွ   ဆရာဝန်ပြောတာတော့   ခွဲမွေးရမယ်ဆိုလား  ဘာလား မသိပါဘူးကွာ   ဒါနဲ့  မင်းအခုဘယ်ရောက်နေပြီလဲ
ငါရန်ကုန်ကို  ရောက်တော့မှာပါကွာ   အခုပဲခူးကိုရောက်နေပြီ   သယ်ရင်းရာ  မင်းနည်းနည်းလေးကြည့်ပြီးကူညီထားပေးပါကွာ
အေးပါကွာ   မင်းလဲ ကားကိုသတိနဲ့မောင်းအုံး   အဲ့ဒါဆိုဒါပဲလေကွာနော်
အေးအေး   သယ်ရင်း
ကျွန်တော်အချိန်မှီပြန်မရောက်သွားတာလား   ဒါမှမဟုတ်  ကျွန်တော်အရမ်းချစ်ရတဲ့ကျွန်တော်ဇနီးမယားကို  အချိန်ပြည့်ပြန်ခေါ်သွားတာလား  တော့မသိခဲ့ပါဘူး   ကျွန်တော်ရောက်သွားတဲ့အချိန်မှာဆိုရင်ဖြင့်
ဘာတွေဖြစ်ကုန်ကြတာလဲကွာ  ဘာတွေဖြစ်ကုန်ကြတာလဲ
စိတ်မကောင်းပါဘူးသယ်ရင်းရာ   သူ့အချိန်တန်လို့ပဲ  သူသွားတယ်လို့ပဲ  သဘောထားလိုက်ပါကွာ
ကျွန်တော်မိန်းမ   ဆုံးပြီလို့ပြောလိုက်တဲ့စကားက  ကျွန်တော်ရင်ကို  မုန်တိုင်းတိုက်ခတ်သွားသလိုပါပဲ   နာကျင်ခံစားရပါတယ်   ဒါပေမဲ့  ကျွန်တော်အတွက်တော့   သူ့ရဲ့ကိုပွားလေးကိုတော့ထားခဲ့တယ်   အူဝဲလို့ငိုကြွေးနေတဲ့  ကျွန်တော်ရင်သွေးလေးကို   ကျွန်တော်ကောက်ချီရင်း  သားရယ်  သားကိုဖေဖေတောင်းပန်ပါတယ်   အခုမင်းမေမေသေရတာက  ဖေဖေကြောင့်ပါ  ဖေဖေအလုပ်ကိစ္စနဲ့  ခရီးမထွက်သွားရင်း  မင်းမေမေဒီလိုဖြစ်ပါမဟုတ်ပါဘူး  ဖေဖေကိုခွင့်လွတ်ပါကွာလို့ပြောရင်း  ကျွန်တော်  မျက်လုံးထဲမှ မျက်ရည်တွေ   ဖြည်းညင်းစွာ  စီးကျလာပြီး
ကဲသယ်ရင်းရာ    ငါတို့လဲစိတ်မကောင်းပါဘူးကွာ  သူ့ရဲ့ကံကဒီလောက်ပဲပါလာတယ်လို့ပဲသတ်မှတ်လိုက်ပေါ့ကွာ  အခုလိုဝမ်းနည်းနေမဲ့အချိန်မှာ   မိခင်မရှိတော့တဲ့မင်းရဲ့သားလေးကို   ဘယ်လိုရှင်သန်အောင်ပြုစုစောင့်ရှောက်ကြမလဲဆိုတာကိုပဲ   ငါတို့တတွေစဉ်းစားကြရအောင်နော် မင်းလွင်
ငါလဲ  အတက်နိုင်ဆုံး   မေ့ပြောက်ဖို့ကြိုးစားပါ့မယ် 
မေ့ပြောက်ဖို့ကြိုးစားခဲ့ပါတယ်   ဘယ်လိုမှမေ့ပြောက်လို့မရခဲ့ပါဘူး    အချိန်တိုင်းသတိမရနေပေမဲ့   သတိရတဲ့အချိန်တွေကတော့  သူ့ကိုပါပဲ   ကျွန်တော်  မိန်းမဆုံးသွားပြီးတဲ့နောက်ပိုင်းမှာဆိုရင်ဖြစ်   ကျွန်တော်ကို  အမွေပြတ်အဖြစ်စွန့်လွတ်ထားတဲ့  ကျွန်တော်အမေ   ကကျွန်တော်ကို  လာပြန်ခေါ်တယ်   မာနဆိုတဲ့အရာကြီးက  မေမေအတွက်တော့  ဘယ်တော့မှ  ပြာကျသွားမဲ့အရာလို့  ထင်မထားခဲ့ပါဘူး   သူ့မာနသူ့ဂုဏ်သိက္ခာကို  ထိခိုက်လာမယ်ဆိုရင်   သူမွေးထားတဲ့  သားတစ်ယောက်ဖြစ်တဲ့ကျွန်တော်ကိုတောင်  အမွေပြတ်အဖြစ်နဲ့  စွန့်လွတ်ရဲတဲ့သူတစ်ယောက်ပါ   ဘာလို့စွန့်လွတ်ခဲ့လဲဆိုရင်တော့  ကျွန်တော်လက်ထပ်ခဲ့တဲ့  မိန်းကလေးက   ဆင်းရဲတယ်   မေမေတို့အသိုင်းအဝိုင်းနဲ့ကြည့်မယ်ဆိုရင်တော့   လူတွေပြောပြောနေတဲ့  အဆင့်အတန်းကြီးက   ကွာခြားနေတယ်
ကျွန်တော်ဇနီးမယား  သေဆုံးသွားတဲ့အချိန်မှာဆိုရင်ဖြင့်   ကျွန်တော်အသက်က (၂၀)ပြည့်ပါပြီ
အမလေးလေး   သားရယ်  ကြည့်စမ်းပါအုံး   မေမေအိမ်မှာနေတာနဲ့တခြားစီပဲ  
ဒါတော့ဒါပေါ့မေမေရယ် 
ဒါတော့ဒ့ပေါ့တွေလုပ်မနေနဲ့   သားကိုမေမေလာပြန်ခေါ်တာ   မေမေနဲ့ပြန်လိုက်ခဲ့နော်  စိတ်ညစ်စရာတွေ  ဘာမှမတွေးနဲ့   မေမေအိမ်ရောက်ရင်   အရင်တုန်းက  သားနေတဲ့အတိုင်းပဲနေ  ဟုတ်ပြီလား   ကဲပါပြောနေကြာပါတယ်အခုပဲ  တစ်ခါတည်းလိုက်ခဲ့
နေပါအုံးမေမေရယ်   သားပစ္စည်းလေးတွေ   သိမ်းလိုက်အုံးမယ်
သားအခုနေနေတဲ့  အိမ်မှာက  ဘာကောင်းတဲ့ပစ္စည်းရှိလို့လဲ   ထားခဲ့လိုက်ပါ   ဒီမယ်သား   ငွေရှိရင်   ဘာမလဆိုလုပ်လို့ရတယ်  ထားခဲ့လိုက်ပါ   မေမေဒီထက်ကောင်းတဲ့   အရာတွေအများကြီးဝယ်ပေးမယ်  ကဲလာလာ  သွားကြမယ်
လူ့လောက   အကြောင်းကိုမသိသေးတဲ့   ကျွန်တော်သားလေးကို  ကျွန်တော်ရင်ခွင်ထဲမှာ   ပွေ့ချီရင်း  စိန်ဂေဟာလို့နာမည်ပေးထားတဲ့  မေမေအိမ်ကြီးဆီသို့   ကျွန်တော်   လိုက်လာခဲ့တယ် 
***************************************************************
                             ********************************
                                                   ၆နှစ်ခန့်ကြာပြီးသောအခါ
                             *********************************
****************************************************************
မေမေ  မေမေဘာတွေလိုက်လုပ်နေတာလဲ
ဘာတွေလုပ်ရမလဲ   ကိုယ့်သားလေးကောင်းစားဖို့အတွက်  လုပ်ပေးနေတာလေ
မေမေ  ကျွန်တော်ဟာ   ဟိုတုန်းက   မေမေအိမ်မှာနေနေတဲ့  ကလေးတစ်ယောက်  မဟုတ်တော့ဘူး   ဖခင်တစ်ယောက်ဖြစ်နေပြီ
အို...........မင်းကသာ  ဖခင်လို့ပြောပေမဲ့   ငါကမင်းကိုအဲ့လိုသတ်မှတ်ထားတာမှမဟုတ်တာ    ဒီမယ်သား  မိဘတိုင်းက သားသမီးတိုင်းအတွက်  ကောင်းစားဖို့လုပ်နေတဲ့အရာတွေပါပဲ
တော်ပြီမေမေ   သားမေမေ  စီစဉ်တဲ့အရာကိုလက်မခံနိုင်ဘူး
မင်းဘာပြောလိုက်တယ်   ဘာလဲ  ငါကလက်နဲ့ရေးလို့မင်းက   ခြေနဲ့ဖျက်ချင်တဲ့သဘောလား   မင်းငါ့စိတ်ကိုသိပါတယ်  အဲ့တော့ငါ  စကားများများ   မပြောချင်ဘူး  ငါစီစဉ်တာကိုပဲ  မင်းလက်ခံ   ဟုတ်ပြီလား
ယနေ့ထိမေ့ပြောက်လို့မရသေးတဲ့   သူတစ်ယောက်နေရာမှာ   အခြားလူတစ်ယောက်ကိုအစားထိုးရတော့မယ်   အမေခေါ်စရာ  မရှိတဲ့  ကျွန်တော်သားလေးကို  သနားမိပေမဲ့   ကျွန်တော်သားလေးအမေနေရာကို    အခြားလူတစ်ယောက်ကိုတော့  အစားမထိုးနိုင်တာတော့အမှန်ပါ
ဦးလေးရေ  ဦးလေး
ဟဲ့ကောင်  ဘာဖြစ်လာတာတုန်း
သားအတန်းထဲမှာ  ပထမရလို့  အဲ့ဒါဦးလေးကို   ပြပေးမလို့
နင့်ဦးလေး   အပြင်သွားတယ်  ပြန်မလာသေးဘူး  
ဟာ   ဖေဖေကလဲ   အော်မှားလို့   ဦးဦးကလဲ   ဘယ်တွေရှောက်သွားနေမှန်းမသိပါဘူး
အလုပ်ကိစ္စနဲ့သွားတာပေါ့   လူလေးကလက်တစ်သစ်(စစ်)လောက်ပဲရှိသေးတယ်  စကားကတက်လိုက်တာလွန်ရော
တက်မှာပေါ့   ဦးဦးရဲ့  သားပဲဟာကို   ဟာဟိုမှာဦးဦးပြန်လာပြီ
ဟာ   သား   လာပါအုံးကွာ   အာဘွားအာဘွား
သားလေ   ဦးဦးကို   ကြွားစရာရှိတယ်
ဟုတ်လား  ဘာကြွားမှာလဲ  မုန့်ဝယ်ကျွေးမှပြောပြမယ်  ခိခိခိခိ
သားကတော့  လုပ်ပြီ   ဖေဖေကို  အနိုင်ကျင့်တော့မယ်
ဖေဖေလို့  တိုးတိုးပြောပါ  တော်ကြာဖွားဖွားကကြားသွားရင်   ဖေဖေကိုဆူနေအုံးမယ်  
ဟုတ်ပါပြီ   ဘာကြွားမလို့လဲ
ဒီမှာ  ရော့  တွေ့လား
ဟာတော်လိုက်တာ   ကွာ  ငါ့သားက  အတန်းထဲမှာ  ပထမရတယ်   ကဲဒီတော့  ဖေဖေအားတဲ့   တစ်နေ့  ကစားကွင်းလိုက်ပို့ပေးမယ်  ဟုတ်ပြီလား
ဟေး  ဟေး   ဒါမှ  ဒို့ဖေဖေကွ 
သားလေးပျော်နေတာကိုကြည့်ပြီး   ချက်ချင်းလိုလို  သတိရမိလိုက်တယ်  ဒီအချိန်မှာ  ကျွန်တော်  မိန်းမရှိနေခဲ့မယ်ဆိုရင်  ဒီထက်မက  ပိုပျော်ရွှင်သွားမယ်လို့   ထင်လိုက်မိတယ်   သားကတော့ပျော်နေတယ်   သားကိုကြည့်ပြီး  ကျွန်တော်လဲ  ပျော်ရွှင်နေမိတယ်
မင်းလွင်   သား  မေမေနားခဏလာပါအုံးကွယ်
ဟုတ်အမေ   ဘာပြောစရာရှိလို့လဲ  မေမေ
မေမေလဲ  ပြောနေကြစကားတွေကို   ထက်ခါတလဲလဲ  မပြောချင်ဘူး   မင်း  မင်းသားအပေါ်မှာ   ဆတ်ဆံတာ   ကြည့်ပြီးဆတ်ဆံပါ   သူ့ကို   ဖေတစ်ယောက်လို့မဆတ်ဆံပါနဲ့   ငါမကြိုက်ဘူး 
မေမေ  ဘယ်လိုပြောလိုက်တာလဲ  မေမေ
မင်းပြောတာကို  ငါနားမထောင်ချင်ဘူး   ငါပြောတာကိုပဲ  မင်းနားထောင်   မင်းနဲ့   သူနဲ့ကို  သားအဖ  လို့  ငါအသိအမှတ်မပြုနိုင်ဘူး   ဘာကြောင့်လဲဆိုတော့  မင်းက  ငါ့သဘောမတူထားတဲ့လူနဲ့   ယူပြီးရလာတဲ့ကလေးမလို့ပဲ ငါလဲ  အသိအမှတ်ပြုထားတာမဟုတ်ဘူး  အဲ့တော့   ငါ  ပေးစားတဲ့လူနဲ့မင်းယူ  အဲ့ကရလာတဲ့ကလေးတွေမှ  ငါ့က  ငါ့မြေး  မင်းရဲ့သား  ဆိုပြီးအသိအမှတ်ပြုနိုင်မယ်  ဒါပဲ   ငါပြောချင်တာပြောလို့ပြီးပြီဆိုတော့   မင်းသွားနိုင်ပြီ
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
ဟယ်   သမီးလေး
အန်တီနေကောင်းတယ်နော်
ကောင်းပါ့သမီးရေ   ဒါနဲ့သမီး  မေမေကော  နေကောင်းတယ်ပဲလား
ကောင်းပါတယ်အန်တီ  
ကဲ  လာလာ  ထိုင်ထိုင်  
ဒီမှာ  အန်တီအတွက်လက်ဆောင်ဝယ်လာတယ်   ပါတိတ်လေး  အန်တီကြည့်လိုက်ပါအုံး   လှလားလို့
မဟုတ်တာ   သမီးရယ်   အားနာစရာတွေတော့   ဖြစ်ကုန်တော့မှာပဲ  
အဲ့လိုလဲ  ဘယ်ဟုတ်ပါ့မလဲ  အန်တီရယ်  သမီးက  စေတနာရှိလို့ဝယ်လာတာလေ
ဟယ်   ကြည့်စမ်း  အဆင်လေးက  လှလိုက်တာ  သမီးလေးက  ရွေးတက်လိုက်တာ
သမီးက  အရောင်တွေမရွေးတော့တော့  အန်တီကြိုက်ပါ့မလားလို့   စိတ်ပူလိုက်ရတာ   အခုတော့   အန်တီကြိုက်တယ်ဆိုတော့   သမီးဝယ်လာရကြိုးနပ်ပြီပေါ့
စကားကောင်းနေလိုက်တာ   ခဏနေအုံးနေသမီး  အန်တီ   သားကို  သွားခေါ်လိုက်အုံးမယ်
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
သား 
ဗျာ  ဖေဖေ  
သားဖွားဖွားကို  စိတ်မဆိုးရဘူးနော်  
စိတ်မဆိုးပါဘူးဖေဖေရယ်   ဖွားဖွားက   ချစ်ဖို့ကောင်းပါတယ်   ပြီးတော့လဲ  သားနဲ့ဖေဖေကိုလဲ  ထမင်းတွေကျွေးထားတာလေ   ပြီးတော့လဲ  နေစရာလဲပေးထားတာလေ   ပြီးတော့လဲ  သားကိုမုန့်ဖိုးတွေလဲပေးတယ်
အဲ့တော့ဖွားဖွားကို  စိတ်မဆိုးရဘူးနော်   ပြီးတော့   ဖွားဖွားက  ဖေဖေကို  ဦးဦးလို့   ခေါ်ခိုင်းတာကိုလဲ  စိတ်မဆိုးရဘူးနော်  
မဆိုးပါဘူး   ဖေဖေရ  ဖေဖေ  လူပျိုလုပ်လို့ရတာပေါ့  ခိခိခိခိခိ
အယ်  အဖေကို  အဲ့လိုပြောစရာလား
ခိခိခိခိ  စတာပါဖေဖေကလဲ   ဖွားဖွားအရှေ့မှာ  ဦးဦးလို့  ခေါ်ပြီးဖွားဖွားနောက်ကွယ်မှာ   ဖေဖေလို့ခေါ်မှာပေါ့ အဲ့လိုခေါ်တော့ဖွားဖွားက   မကြားရဘူးလေနော်  ဖေဖေ 
ဟုတ်တာပေါ့   ဒေါက်ဒေါက်ဒေါက်ဒေါက်
မင်းလွင်   ဒေါက်ဒေါက်မင်းလွင်သားရေးသား
ဟာဖွားဖွားရယ်   ဖေဖေ   ဘာဖြစ်လို့လဲမသိဘူး
ဟုတ်မေမေ   ဘာကိစ္စရှိလို့လဲမေမေ
အေးကွယ်သားရေ   အပြင်မှာ   မေနှင်းရောက်နေတယ်ကွယ်   ထွက်တွေ့လိုက်ပါအုံး
ဟုတ်ကဲ့မေမေ   
တီတီ  မေနှင်းကလဲ   အိမ်ကိုပဲလာလာနေတယ်   ဘာလာလုပ်မှန်းမသိဘူး   နော်ဖေဖေ 
ခဏနေအုံးသားရေ   ဖေဖေ  ထွက်တွေ့လိုက်အုံးမယ်   တော်ကြာ  မင်းဖွားဖွားက   ပွမ်နေအုံးမယ်
ဟုတ်ကဲ့  ဖေဖေ
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
မေနှင်း     အလည်လာတာလား
အင်းပေါ့  ကိုမင်းမှ   အိမ်မလာတာ  အဲ့တော့  မေနှင်းက   လာရတာပေါ့   ကိုမင်း   မေနှင်းတို့  ရုပ်ရှင်   သွားကြည့်ကြရအောင်နော်
ဟာမေနှင်းကလဲ   ကလေးကလား
ဟာ  မေနှင်းကြည့်ချင်လို့ပါ   ဒီနေ့ရုံမှာလဲ  ကားသစ်လဲတယ်လေ  
ဟာမေနှင်းကတော့  လုပ်ပြီ  
ကဲပါသားရယ်   လိုက်ပို့လိုက်စမ်းပါ   မေနှင်းလဲ  စိတ်ချမ်းသာသွားရအောင်
ဟုတ်တယ်  အန်တီ   ကူပြောပေးအုံး
မေမေရဲ့  ဆန္ဒ  ကြောင့်   စိတ်မပါတဲ့  ရုပ်ရှင်ကို   သွားကြည့်ရတော့မယ်   မေနှင်းဆိုတာကတော့   ကျွန်တော်နဲ့  ဟိုးငယ်ငယ်လေး  ကတည်းက  လူကြီးချင်းသဘောတူထားတဲ့   မိန်းကလေးပါ   မေနှင်းက  ကျွန်တော်အပေါ်မရိုးသားပေမဲ့  ကျွန်တော်ကတော့  မေနှင်းကို  ညီမလေးတစ်ယောက်လို့ပဲမြင်တယ်  ရုပ်ရှင်ကြည့်ဖို့အတွက်   မောင်းနှင့်လာတဲ့  ကားလေးပေါ်မှာမေနှင်းကတော့
ကိုမင်း   ကိုမင်းလို့   ကိုမင်း
အင်း  ပြောလေ  မေနှင်း
တစ်လမ်းလုံးကားမောင်းလာတာ   ဘာစကားတစ်ခွန်းမှလဲမပြောဘူး   ဘာလဲ  မေနှင်းနဲ့ရုပ်ရှင်ကြည့်ရဖို့   စိတ်မပါတာလား
မဟုတ်ပါဘူးမေနှင်းရယ်   ကို စဉ်းစားနေလို့ပါ
ဘာတွေစဉ်းစားနေတာလဲ  မေနှင်းနဲ့လက်ထပ်ပြီးရင်  တူတူနေမဲ့   အကြောင်းတွေလား  ပြောထားမယ်နော်  မေနှင်းက  ကိုမင်းကို  ချစ်လို့ယူတာ   နောက်ပြီးကိုမင်း   ဘာတွေပဲဖြစ်ခဲ့ဖြစ်ခဲ့  မေနှင်းစိတ်လဲမဝင်စားဘူး   မေနှင်းစိတ်ဝင်စားတာ  ကိုမင်းကိုပဲ   ဒါနဲ့  လက်ထပ်ပြီးရင်တော့   ကိုမင်း  သားကို    မေနှင်းတို့နဲ့တူတူမထားနဲ့  မေနှင်းက  ကိုယ့်သွေးသားမဟုတ်ရင်   မချစ်တက်ဘူး
မေနှင်း   မင်းဘယ်လိုပြောလိုက်တာလဲ   ကို့ဘဝမှာ  ကို့သားလေးက  ပထမပဲ   ကို့သားစိတ်ဆင်းရဲမဲ့အလုပ်မျိုး  ကို  ဘာတစ်ခုမှ  လုပ်ဖို့လဲ  စိတ်မကူးထားဘူး
ကိုမင်း   စိတ်ဆိုးသွားတာလား   မေနှင်းက  အမှန်တွေကိုပြောတာနော်   လိမ်ညာတာ  တစ်ခုမှမပါဘူး 
တော်ပြီမေးနှင်း  ဆတ်မပြောနဲ့တော့   ကိုဘာတစ်ခုမှမကြားချင်တော့ဘူး
ကဲမကြားချင်ရင်လဲမပြောတော့ပါဘူး   ကဲရောက်တော့မယ်  
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
သား  မင်လွင်  
ဟုတ်ပြောပါမေမေ
မေနှင်းနဲ့   သားရဲ့မင်္ဂလာကိစ္စကို   ဒီလာမဲ့   ရှေ့လထဲမှာ  စီစဉ်လိုက်ပြီကွယ်    မေနှင်းမိဘတွေကလဲ  မြေးချေချင်နေပြီတဲ့   အဲ့ကြောင့်   မြန်မြန်စီစဉ်လိုက်ကြတာ  
မေမေ   မေမေစိတ်ကြိုက်စီစဉ်နေတဲ့   အရာတွေကို  ကျွန်တော်က  ရုပ်သေးရုပ်တစ်ရုပ်လို  လိုက်ကနေရမှာလားမေမေ  သားကလူပါ   နှလုံးသားမရှိတဲ့   စက်ရုပ်လူသားမဟုတ်ဘူး  
အို       ငါ့ကိုဘာမှ  လာပြောမနေနဲ့  ငါဘာမှမသိချင်ဘူး    ရှည်ရှည်ဝေးဝေး  ပြောမနေချင်ဘူး  အဲ့နေကြရင်   မင်းမင်္ဂလာအခန်းအနားတက်ဖို့ပဲ    စဉ်းစားထား
ကျွန်တော်ရင်ကို   ဓားနဲ့ထိုးလိုက်သလိုပါပဲ     ကျွန်တော်မချစ်မနှစ်သတ်တဲ့  မိန်းကလေးကို   လက်ထပ်ပြီး   ကိုယ့်သွေးသားဖြစ်တဲ့  သားအရင်းကိုစွန့်လွတ်ရမယ်   ကျွန်တော်  မေမေစီစဉ်သလိုလိုက်နာလိုက်ရင်   ကျွန်တော်ရဲ့သားလေး   ဘာဖြစ်သွားမလဲ   သားရေ   ဖေဖေပြတ်သားတဲ့ဆုံးဖြတ်ချက်တစ်ခုကိုတော့  ချမှတ်လိုက်မယ်
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
ဟီးးးးးးးးးးးးးးးးဟီးးးးးးးးးးးးးးးးးးးဟီးးးးးးးးးးးးးးးးးးး
သား   ဘာဖြစ်လို့လဲ  ဖေဖေကိုပြောစမ်း
ဖေဖေ   သားကိုချစ်ရင်   တီတီလေးမေနှင်းကို  မယူပါနဲ့နော်   ဖေဖေတီတီလေးမေနှင်းနဲ့  ယူပြီးရင်  သားက  ဘယ်သူနဲ့သွားနေရမှာလဲ    ဖေဖေမယူပါနဲ့နော်
မယူပါဘူးသားရယ်   မျက်ရည်တွေနဲ့  ငိုကြွေးနေတဲ့   ကျွန်တော်သားလေးကို   ကျွန်တော်ရင်ခွင်ထဲ   ပွေ့ပိုက်လိုက်တယ်      
တိတ်ပါသားရယ်   တိတ်တိတ်  ဖေဖေမယူဘူး
ဟီးဟီး  နောက်ပြီး  ဖွားဖွားကလဲ  ပြောတယ်    သားက  ဖေဖေသားမဟုတ်ဘူးတဲ့    လမ်းဘေးအမှိုက်ပုံက  ကောက်ရထားတာတဲ့   ဟီးဟီး  ဟုတ်လားဖေဖေ
မဟုတ်ပါဘူးသားရယ်    သားက  ဖေဖေသား  အစစ်   ဖေဖေသား  အရင်း    ဖေဖေဘဝမှာသားက  နံပါတ်တစ်ပါပဲ  
ဖေဖေ   သားကို  ခွဲမသွားပါနဲ့နော်  ဖေဖေကို   ဖေဖေလို့ခေါ်ခွင့်မရပေမဲ့လဲ   သား   ဦးဦးလို့ခေါ်ပြီး   ဖေဖေနားမှာပဲ   သားနေချင်တယ်   သားကိုခွဲမသွားပါနဲ့နော်   သားမေမေအသစ်လဲ  မလိုချင်ဘူး   သားဖေဖေနဲ့ပဲ  နေမယ်  
တိတ်ပါသားရယ်   ဖေဖေသားကိုဘယ်တော့မှခွဲမသွားဘူး   ဟုတ်ပြီလား  ကဲ  တိတ်တိတ်  လိမ္မာတယ်  အဖေ့သားက
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
မနက်ဖြန်   တိုင်းကို   ပျော်ရွှင်စွာစောင့်နေကြတဲ့  လူတွေရှိသလို   မနက်ဖြန်  ဆိုတဲ့   နေ့လေးကို   မရောက်ချင်တဲ့  လူတစ်ယောက်ရှိနေတယ်  ဘယ်သူလဲ  ဆိုတော့   ကျွန်တော်ပါပဲ    မနက်ဖြန်ဆိုရင်  ကျွန်တော်    မေမေလက်ထပ်ပေးမဲ့  မေနှင်းဆိုတဲ့  မိန်းကလေးကို   ယူရတော့မယ်    ကျွန်တော်ပြတ်သားတဲ့  ဆုံးဖြတ်ချက်ကိုချလိုက်ပြီ   
ဖေဖေ   မနက်ဖြန်ဆိုရင်    ဖေဖေ  တီတီလေးမေနှင်းနဲ့  တကယ်လက်ထပ်တော့မှာလားဟင်
သားကိုပြောထားပြီးပြီပဲ     သားကဖေဖေရဲ့ပထမနေရာမှာပါလို့
တကယ်ပြောတာလား   ဒါဆိုဖေဖေ  တီတီမေနှင်းကို  လက်မထပ်တော့ဘူးပေါ့နော်  ဖေဖေ
အင်း  
ပျော်လိုက်တာ  ဖေဖေရယ်   ဖေဖေလက်မထပ်ရင်   ဖွားဖွားက  ဖေဖေကို  ဆူမှာပေါ့
ဆူလို့မရတဲ့နည်းလမ်းရှိတယ်   လာဖေဖေတိုးတိုးလေး  ပြောပြမယ်???????????????????????????
ဟုတ်ပြီလား   မင်းဖွားဖွား   နားထဲ   မရောက်စေနဲ့နော်
စိတ်ချပါဖေဖေ
တိမ်မဲတွေကင်းစဉ်နေတဲ့    မိုးကောင်းကင်ကြီးကို  ကျွန်တော်   မော့ကြည့်လိုက်တယ်   ကြည်လေတွေ   ဝန်းရံခနေတဲ့  ဖိုးလမင်းကြီးကလဲ    သူ့ရဲ့  အလင်းနဲ့    ကမ္ဘာမြေပြင်ကို  အလင်းရောင်တွေ  ထွန်းလင်းလို့ပေးနေတယ်   အေးမြတဲ့လေလေးတွေကလဲ  ညင်သာစွာတိုက်ခတ်   နေတယ်   ကျွန်တော်ဘေးနားမှာတော့    ကျွန်တော်အရမ်းချစ်ရတဲ့   ကျွန်တော်သားလေးက    ကျွန်တော်   လက်ကို  ဆုပ်ကိုင်လျှက်     ဦးတည်ချက်တွေအများကြီးရှိနေတဲ့    ကမ္ဘာမြေပြင်ရဲ့  တစ်ခုသောနေရာကို    ကျွန်တော်ရဲ့  ခြေလှမ်းတွေက  ဦးတည်ပြီး    ကျွန်တော်လေ    ကျွန်တော်အရမ်းချစ်တဲ့   ကျွန်တော်သားလေးရဲ့  လက်ကို    ကိုင်ပြီး      ရင်း   အဝေးဆုံးသော   တစ်နေရာ   ကျွန်တော်  ကျွန်တော်သားလေးနဲ့အတူ   ထွက်ခွာသွားလိုက်သည်        ကျွန်တော်ရင်ခွင်ဟာ   ကျွန်တော်သားတစ်ယောက်အတွက်ပါပဲဗျာ   
ဖေဖေ  
ဗျာဗျ   
အခုဆိုရင်   ဖေဖေကို  ဦးဦးလို့လဲ  ခေါ်စရာမလိုတော့ဘူးနော်
ဒါပေါ့သားရဲ့   ကဲဒီတော့   ဖေဖေနဲ့သား    ဒီကမ္ဘာမြေပြင်ကြီးကို   တိုင်တည်  ကြရအောင်
ဘယ်လိုတိုင်တည်မှာလဲ    ဖေဖေ
ကဲဖေဖေပြောသလို  လိုက်ပြော 
ဟုတ်ကဲ့
ကျွန်တော်တို့  သားအဖ    ဘယ်သူခွဲခွဲ   ဘယ်တော့မှမကွဲတော့ပါဘူးလို့   ဒီကမ္ဘာမြေပြင်ကြီးအား  ကတိသစ္စာပြုပါသည်။(ရဲ့ရင်ရထာ၊မြို့တော်)
Read More

မိခင်နှင့်တူသော”

9:29 AM  nanda  No comments

အေးဆေးတည်ငြိမ်စွာနေတတ်ပြီး အရာရာမှာ နားလည်ပေးခဲ့သူ၊ မိသားစုတွေအပေါ်မှာ သိတတ်သူ ဘ၀ကပေးလာတဲ့ဝန်ထုပ်ဝန်ပိုးဆိုပေမယ့်လည်း ကျွန်မအတွက်တော့ ကုသိုလ်တစ်ခုလို့မှတ်ယူတတ်ခဲ့ပါပြီ၊ မိခင်ဆိုတဲ့နေရာလေးကို မရောက်လာသေးမယ့်လည်း မိခင်နဲ့တူသောစိတ်တွေ၊ စေတနာတွေ၊ မေတ္တာတွေ အရာအားလုံးက ကျွန်မကို ရင့်ကျက်စေခဲ့သူတစ်ယောက် ဖြစ်စေခဲ့ပါပြီ…
ခုလည်း ကျွန်မအတွက် မမျှော်လင့်သော ကံကြမ္မာတရားတစ်ခုက ရိုက်ခတ်လို့လာပြန်ပါပြီ၊ တနေမကုန်ခင် မောင်လေးပြန်မလာတဲ့အခါ စိုးရိမ်ပူပန်တဲ့စိတ်တွေက မီးတောက်တစ်ခုလို ပူဆွေးနေရပါပြီ… ဘယ်များသွားလိုက်တာလဲ.. ဘယ်သူတွေနဲ့များသွားနေသလဲ… ဘာတွေများလုပ်နေသလဲဆိုတဲ့စိတ်တွေက ကျွန်မရင်ကို လှုတ်ခတ်စေခဲ့ပါတယ် အချိန်တွေသာစောင့်ရင်းကုန်ဆုံးခဲ့ပြီ မောင်လေးပြန်မလာတော့ပါ၊ ကျွန်မ ငိုရမှာလား၊ ဒါမှမဟုတ် ရယ်နေရမလားဆိုတာလည်း ဝေခွဲမရတော့ပါ…ဒီအချိန်မှာဘဲ ကျွန်မဆီကို ရောက်လာခဲ့သူတွေကတော့….
“ပန်းဝေနဲ့တွေ့ချင်လို့ပါရှင်…”
“ဟုတ်ကဲ့…ကျွန်မ ပန်းဝေပါရှင်”
“ညည်းမောင်လေးရော….”
ကျွန်မသိလိုက်ပါပြီ ဘယ်သူဘယ်ဝါဆိုတာ အတိအကျမပြောနိုင်ပေမယ့် သမီးတွေရဲ့ မိခင်တစ်ဦးဆိုတာကို နားလည်လိုက်ပါပြီ….။
“ဟုတ်ကဲ့ပါ အန်တီ…”
“ကျွန်မလည်း တစ်နေ့လုံး စိတ်ပူနေခဲ့တာပါ၊ အပြင်ကိုခဏဆိုပြီးထွက်သွားတာပါပဲ၊ အန်တီ့သမီးနဲ့ အောင်စာရင်းသွားကြည့်မယ်ဆိုပြီး ထွက်သွားတာပါ..ခုချိန်ထိဆိုရင်တော့ သေချာသလောက်ပါပဲ… ခိုးရာလိုက်ပြေးသွားပြီထင်ပါတယ်”
“ဘယ်လိုလုပ်ကြမလဲ…”
“အန်တီရယ်….ကျွန်မလည်းမတတ်နိုင်ဘူးလေ….သူတို့က ဖုန်းလေးတောင်မှ ဆက်ဖော်မရခဲ့တာ… ကျွန်မ တို့လည်းလိုက်ရှာပါတယ်…သတင်းရတာနဲ့ ချက်ချင်းအကြောင်းပြန်ပေးပါ့မယ်နော်”
သမီးရှင်ဆိုပြန်တော့လည်း ပူပန်နေမယ်ဆိုတာ ကျွန်မစာနာမိပြန်ပါတယ်၊ ဒါပေမယ့်လည်း လိုက်သွားသူတွေကလည်း ကလေးသာသာ၊ ကျွန်မဆီကိုလိုက်လာကြတဲ့သူတွေက ယောက်ျားတွေအများကြီး ၀ိုင်းလာပြီး ကျွန်မမောင်လေးကိုများ ရိုက်ကြတော့မလား ထုကြတော့မလားဆိုတဲ့ပုံစံတွေ၊ ခုချက်ချင်းသာတွေ့ခဲ့ရင် သူတို့ ဘာလုပ်ကြမည်နည်း၊ သမီးရှင်က လိုက်ရှာတာ ဒီလိုအမူအယာတွေနဲ့ ကျွန်မရဲ့ ဘ၀မှာ မမြင်တွေ့ဘူးခဲ့လို့ အထူးအဆန်းဖြစ်ပြီး သောကတွေရော၊ ဗျာပါဒတွေပါ ရောထွေးနေခဲ့ပြီး ခေါင်းငိုက်စိုက်သာချလိုက်မိပါတော့သည်….
ကျွန်မရဲ့စိတ်ထဲ အတွေးတွေဝင်လာမိပြန်သည်၊ မောင်လေးရယ် ဟိုးငယ်စဉ်တည်းက မမက ဒါဆိုဒါပဲလုပ်တတ်တဲ့မောင်လေး ခုတော့ ဘာလို့များ ဒီလိုလုပ်သွားခဲ့ရတာလည်းဟင်၊ မမတို့ ဘယ်လောက်တောင် စိတ်ပူနေမလဲဆိုတာကို သိခဲ့ရင် ဘယ်လောက်များကောင်းမလဲနော်…. တွေးရင်းနဲ့ဆိုသလို မထိန်းချုပ်နိုင်သောမျက်ရည်စတွေက မျက်ဝန်းအိမ်မှာစိုရွှဲနေသလို ရှိုက်ကြီးတငင်နဲ့ပင် ကျွန်မငိုကြွေးခဲ့ရပါတော့သည်….
အလုပ်ထဲကနေအိမ်အပြန် ရောက်လာကြသော သမီးရှင်တွေက တညလုံးဆိုသလိုပင်၊ သမီးရှင်တို့ပြုသမျှ အမူအယာတွေက ကျွန်မအတွက်တော့ ခါးသီးတဲ့အပြုအမူမျိုးတွေပင်….
“အစ်မ..အစ်မတို့သိရင်လည်း ပြောပြပါ၊ ကျွန်တော်တို့ဘက်က ကလေးတွေကို ပေးစားမှာပါ၊ ဘာမှလည်းမလုပ်ပါဘူး”
“မဟုတ်ပါဘူးရှင်…ကျွန်မတို့က ဘာကြောင့်ဒီလိုလုပ်ရပါ့မလဲ”
ကျွန်မရဲ့မိဘတွေ သမီးရှင်တွေရဲ့အလယ်မှာ မျက်နှာငယ်ရတာကိုကြည့်ပြီး စိတ်ထဲမချမ်းမမြေ့ဖြစ်လာရသည်၊ မောင်လေးကိုစိတ်ဆိုးရမလား၊ ဘယ်သူ့ကိုအပြစ်တင်ရမလဲဆိုတာ ကျွန်မအတွက်တော့ အစိုင်အခဲတစ်ခုပင်… တစ်ညလုံးပဲဆိုသလို ပြန်လာလေမလားဆိုတဲ့အသိစိတ်၊ စိုးရိမ်စိတ်တွေနဲ့အတူ မစားနိုင်မသောက်နိုင် ဖြစ်ခဲ့ရသည်က ကျွန်မနဲ့အတူ မိဘတွေပေါ့၊ မောင်လေးတွေကို သိပ်ချစ်ခဲ့တာ မိဘတွေအသိဆုံး ဖြစ်ခဲ့တာမို့ မိဘတွေလည်း မကြည့်ရက်နိုင်ကြပြီ…။
နောက်တစ်နေ့မနက်ခင်းလေးမှာတော့…ကျွန်မမောင်လေးရဲ့သူငယ်ချင်းဆိုသူ ကျော်ဇင်သော် ရောက်လာခဲ့ သည်…
“အစ်မ..”
“ဟယ်..မောင်လေး…လာ…လာ…ထိုင်ပါအုံး”
“ဟုတ်ကဲ့…အစ်မ”
“ညကလေ အစ်မမောင်လေးတို့ ကျွန်တော့်အိမ်ကိုလာကြတယ်…သူတို့ တခြားမြို့ကို ဆက်သွားမယ်ပြောတယ်..၊ ပိုက်ဆံကလည်းမပါဘူးတဲ့၊ ကျွန်တော့်ဆီက ပိုက်ဆံချေးသွားတယ်၊ လူကြီးတွေကိုလည်း ကြောက်လို့တဲ့လေဗျာ….ကျွန်တော်ကတော့ တားပါသေးတယ်…ဒါပေမယ့် နောက်နေ့မှ ပြန်လာမယ်ပြောကြတယ်ဗျ..”
“ဖြစ်မှဖြစ်ရလေမောင်လေးရယ်….”
“ဒါဆိုလေ မောင်လေး…အမကို တခုလောက်ကူညီပါနော်”
“ဒီမှာရော့ ပိုက်ဆံ…သူတို့ကိုပေးပေးပါနော်….လောလောဆယ်တော့ အစ်မမှာ ဒါပဲပါလာတယ်၊ မောင်လေးဆီက ချေးထားတာရော ဘယ်လောက်လဲ၊ အစ်မပြန်ပေးမယ်နော်”
“ရပါတယ် အစ်မရယ်”
ပြောပြောဆိုဆိုနှင့်ပင် ကျွန်မ၀မ်းသာသွားခဲ့ရသည်၊ ချက်ချင်းဆိုသလိုပင် ကျွန်မမိဘတွေကို ဖုန်းလေးတစ်ချက်ဆက်ခဲ့ပြီး မောင်လေးကို ရှာပုံတော်ဖွင့်ခဲ့ရတော့ပါသည်…။
နောက်တစ်နေ့အိမ်ပြန်ချိန်မှာတော့….
“အစ်မရေ…”
ကျွန်မ နားစွင့်မိလိုက်သည်၊ ဒါ ..ကျွန်မမောင်လေးရဲ့အသံမဟုတ်လား..
“ဘယ်သူလဲဟေ့…..မောင်လေးမဟုတ်လားဟင်…”
“အစ်မရေ…အစ်မယောင်းမကလေ…အစ်မကိုကြောက်လို့တဲ့လေ”
ကျွန်မအပြေးကလေးတက်သွားတော့…ဟုတ်ပါသည် မောင်လေးနဲ့ညီမလေးကိုတွေ့ရသည်….ကျွန်မရင်တွေ ဒိုင်းကနဲနေအောင် ပျော်ရွှင်ခဲ့ရသည်..ကျွန်မတောင် ဒီလောက်ဖြစ်နေရင်…ကျွန်မမိဘတွေ ဘယ်လောက်များ ပျော်လိုက်မလဲလို့ တွေးရင်း ပီတိမျက်ရည်ကျခဲ့ရသည်….
“ဘာလို့လဲ ညီမလေးရယ်၊ အစ်မက မောင်လေးနဲ့ညီမလေးကို ဘာမှမလုပ်ပါဘူး၊ ဆူလည်းမဆူဘူး၊ စိတ်လည်းမဆိုးဘူးနော်”
ကျွန်မပြောလိုက်သည်မှ မောင်လေးနဲ့ညီမလေးတို့ အပြုံးပန်းမျက်နှာဝေဆာနေခဲ့ကြသည်…. သမီးရှင်တို့ရဲ့အပြုအမူတွေ ကြမ်းတမ်းခဲ့ပေမယ့် ကျွန်မဘ၀မှာ ယောင်းမဆိုတဲ့သင်္ကေတလေးကို စာသားလို့သာ ထင်မှတ်ခဲ့ရပြီး ညီမလေးတစ်ယောက်ရလိုက်ပါလားဆိုတဲ့အသိတွေက အပျော်တွေကိုပေး စေခဲ့ပါတယ်…..။
ပြဿနာတစ်ခုပြီးသွားခဲ့ပေမယ့် တစ်ခုကဆက်ရအုံးမယ်ဆိုတာ ကျွန်မဦးနှောက်ထဲမှာ ၀င်ရောက်နေရာယူခဲ့ပြန်ပါပြီ၊ အရာရာမှာ ဦးဆောင်နေခဲ့ရတဲ့ ကျွန်မတစ်ယောက် ဦးနှောက်တွေ၊ စိတ်တွေ၊ ပညာတွေ အားလုံးကိုအသုံးချရတော့မယ်၊ သမီးရှင်တွေ ဘာတွေပြောလာမယ်၊ ဘယ်လိုတွေဖျက်ဆီးကြအုံးမယ်ဆိုတာ ကျွန်မမသိနိုင်ခဲ့ပါဘူး….
နောက်တစ်နေ့ရဲ့နံနက်ခင်းမှာတော့…ကျွန်မမြင်တွေ့လိုက်ရသည်က သမီးရှင်တို့…
“ကဲ သားလေး၊ ဦးတို့နဲ့တခါတည်းလိုက်ခဲ့မလား၊ ဒါမှမဟုတ် ဦးသမီးကိုပဲခေါ်သွားရမလား..”
မျက်နှာငယ်လေးဖြင့်ကြည့်နေရှာသော မောင်လေးက ကျွန်မဆီကို ဦးတည်ပြီးကြည့်နေပါပြီ… ကျွန်မစဉ်းစားနေမိသည်က..မိန်းမတစ်ယောက်နဲ့ယောက်ျားတစ်ယောက် ခိုးရာလိုက်ပြေးခဲ့လျှင် ပြန်လည်အပ်နှံ ပေးပြီး မင်္ဂလာဆောင်ပေးကြသည့်အစီအစဉ်လုပ်ဆောင်ပေးခြင်းဟာ ဓလေ့ထုံးစံတစ်ခုပါ..ခုတော့ ယောက်ျားလေးတစ်ယောက်က မိန်းကလေးကို ပြန်လည်အပ်နှံဖို့ရာ မစီစဉ်ရသေးဘဲ လာခေါ်ကြတယ်ဆိုတော့ ကျွန်မစိတ်ထဲ အံ့အားသင့်ခဲ့ရသည်…ဟူး…ကျွန်မ သက်ပြင်းရှည်လေးတွေ မသိမသာချလိုက်မိပြီး မပြောသာတော့ပြီ…..
မိသားစုကိစ္စအရေးတွေရှိနေခဲ့ပေမယ့်လည်း ကျွန်မကိုထမင်းကျွေးတဲ့အလုပ်ကိုတော့ ကျွန်မလုပ်ရအုံးမည်၊ ကျွန်မအလုပ်သွားဖို့သာပြင်နေမိပါတော့သည်…။
အလုပ်ထဲရောက်ချိန်မှာတော့ စိတ်ကမပျော်နိုင်…ဘာတွေများဖြစ်လာအုံးမည်လည်းဆိုတဲ့စိတ်တွေက စိုးရိမ်ခြင်းတွေကိုဖြစ်စေခဲ့ပါပြီ…သောကတွေ၊ ဗျာပါဒတွေက ကျွန်မကိုနှိပ်စက်ခဲ့တာ နှစ်လဆိုတဲ့အချိန်ကာလ လေးကိုတောင် ရောက်လာခဲ့ပါပြီ…။
နှစ်လအကြာမှာတော့……
“အစ်မရေ….အစ်မယောင်းမ အိမ်ပေါ်ရောက်နေပြီ”
“ဟင်…”
အံ့သြမှုတို့က ကျွန်မဆီမှာ…အကြောင်းစုံကိုသိချင်စိတ်က ရင်ထဲမှာအပြည့်…
“အစ်မ…အစ်မယောင်းမကိုချစ်တယ်မလား”
“အင်းပေါ့ မောင်လေးရယ်….မောင်ကိုချစ်တယ်ဆိုမှတော့ ယောင်းမကိုလည်းချစ်ရမှာပေါ့…ပြီးခဲ့တာတွေကို နောက်ပြန်လှည့်မကြည့်ဘဲ ခွင့်လွှတ်အပြုံးတွေနဲ့ပဲ ကြိုဆိုကြတာပေါ့နော် မောင်လေး….”
“ဒါဆို…အစ်မတို့ဘဲ…မင်္ဂလာရက်သတ်မှတ်လိုက်တော့နော်..”
“အေးပါ..မောင်လေးရယ်”
မောင်လေးနဲ့ညီမလေးတို့ မင်္ဂလာဆောင်တော့မယ်ဆိုတော့ ၀မ်းသာသည်ကတစ်မျိုး၊ ၀မ်းနဲသည်ကတစ်မျိုးနဲ့ ခံစားနေရသည်က ကျွန်မမဟုတ်ပါလား..ငယ်စဉ်တည်းက မိဘနဲ့မခြား မိဘထက်ပိုတဲ့ သံယောဇဉ်တွေနဲ့ ကျွေးမွေးစောင့်ရှောက်လာခဲ့တာ..ခုတော့လည်း အတောင်တွေစုံလာတော့ ပြန်ကြတော့မှာပေါ့လေဆိုပြီး တွေးရင်းနဲ့ မျက်ရည်စတွေက၀ဲလို့လာခဲ့ပြန်ပါသည်….။
မင်္ဂလာဆောင်မယ်ဆိုပြန်တော့…တကယ်ဆို ကျွန်မက အတွေ့အကြုံမရှိသူ…ကျွန်မရဲ့မောင်လေးက ပထဦးဆုံးဈေးဦးဖောက်သူဆိုပြန်တော့ ရှိလာတဲ့တာဝန်ဝတ္တရားတွေက ကျွန်မခေါင်းပုံခဲ့ရသည်… မထူးတော့ပါဘူးလေဆိုပြီး ကျွန်မကိုယ်တိုင်ပဲ သတို့သမီးဝင်လုပ်မိနေပါတော့သည်….။
မင်္ဂလာဆောင်ဆိုတာကတော့ ထင်ထားသလောက်မလွယ်ပါဘူး..ကျွန်မအတွက်တော့ ကိုယ်တိုင် ကိုယ်ကျဆောင်နေရသလိုပါပဲ အရမ်းကိုပင်ပန်းလွန်းပြီး၊ အကွက်ကျအောင်စီစဉ်နိုင်ကာရယ်မှ တော်လောက်ရုံပင်၊ ဈေးဝယ်ထွက်သည်ကမှအစ သတို့သမီးတို့ရဲ့ ဝေယျာဝစ္စသည့်တိုင်အောင် မလွယ်ကူပါဘူး၊ ဘာတွေများလိုအပ်မလဲလို့…ပြည့်စုံမှပြည့်စုံရဲ့လားလို့ စိုးရိမ်စိတ်တွေကတစ်မျိုးပေါ့… မင်္ဂလာပွဲလေးရောက်လာသူဧည့်သည်တွေကတော့ ခန်းမလေးဝင်ပြီဆိုကတည်းက ဝေဖန်မျက်လုံးလေးတွေက ထိပ်ဆုံးကနေရာယူထားကြသည်သာပေါ့….ကျွန်မက သတို့သမီးရဲ့အ၀တ်အစားအရောင်အသွေးကမှအစ စီစဉ်ပေးခဲ့ရသူအဖို့ အဆင်မှပြေလေရဲ့လားလို့ တွေးရတာ ရင်အမောပါပဲ….ဟယ်…သတို့သမီးဝတ်စုံလေးက လှလိုက်တာ….အဲ့ဒီလိုအသံလေး၊ စကားလေးတစ်ခွန်းကြားနိုင်ဖို့အရေး ကျွန်မခေါင်းတွေခဲခဲ့ရပါသည်… ဒီကြားထဲ ကျွန်မနဲ့စရိုက်မတူတဲ့ သမီးရှင်တွေက ဘာတွေများပြောကြမလဲ…ကျွန်မရဲ့ညီမလေးကရော ဘာပြောမလဲ…..“ဟင် အစ်မဆင်ပေးထားတာက” အဲ့ဒီလို လူအများရဲ့ဝေဖန်ပြောဆိုမှု အဆိုးဆုံးတွေက လွတ်မြောက်အောင်လည်း ဖန်တီးပေးခဲ့ရသည်သာ….ဧည့်ခံပွဲမှာ လာရောက်ကြတဲ့ဧည့်သည်တွေအတွက် စားရေးသောက်ရေးအပြင် ဧည့်ခံရေးပိုင်းမှာအဆင်ပြေပါ့မလား….မောင်လေးနဲ့ညီမလေးကို တာဝန်တွေမလစ်ဟင်းစေရအောင် ဧည့်သည်တွေကို ဧည့်ခံတတ်ဘို့ သွန်သင်ပေးမိတာတစ်မျိုးရယ်နဲ့ အရာရာကို စိတ်ပူပင်တတ်မိနေခဲ့ပါပြီ…..။
“အစ်မကြီးတော့ အမိအရာ”ဆိုသလိုပါပဲ ကျွန်မအတွက်တော့ အရာရာမှာ မိခင်ဆိုတဲ့ မေတ္တာတရားတွေနဲ့အတူ မောင်လေးညီမလေးတို့အပေါ် စေတနာဗလပွတွေနဲ့ ရှေ့ဆက်ရမယ့် သူတို့ရဲ့အနာဂါတ်လမ်းတွေမှာ မိခင်နှင့်တူသောကျွန်မပန်းဝေ အနာဂါတ်အတွက် မျှော်လင့်ချက်တွေနဲ့ မျိုးဆက်သစ်တွေကို ဆုံးမသွန်သင်ရင်း ဆက်လှမ်းလို့လျှောက်ရအုံးမည်သာပေါ့…….။

 “ကြိုးစားပါအုံးမည်”
နေခြည်သစ်နွယ်(ပြည်)
(ရွှေမြို့တော်)
Read More

ရင်သို့ထိသောစာသားများ

2:50 AM  nanda  No comments


ရင်သို့ထိသောစာများ

တစ်နေ့မှာ လယ်သမားတစ်ဦးရဲ့ မြည်းတစ်ကောင်ဟာ ရေတွင်းတစ်ခုထဲ ပြုတ်ကျသွားခဲ့တယ် ။ မြည်းဟာ သနားစဖွယ်ကောင်းလောက်အောင် နာရီပေါင်းများစွာ အော်ဟစ်ငိုကြွေးနေခဲ့တယ် ။ လယ်သမားဟာ မြည်းရဲ့အော်သံကိုကြားရပြီးတော့ သူဘာလုပ်ရင်ကောင်းမလဲလို့စဉ်းစားတယ် ။

ဒါနဲ့ပဲ မြည်းဟာလည်းအသက်ကြီးပါပြီ ဒီရေတွင်းကိုလည်း ဖို့ပစ်ဖို့ သင့်ပါပြီလေ ဒီမြည်းအိုကိုလည်း ရေတွင်းထဲက ဘယ်လိုမှ ဆယ်ယူလို့မဖြစ်နိုင်တော့ပါဘူးဆိုပြီး စဉ်းစားတယ် ။ ဒီလိုနဲ့ လယ်သမားဟာ အိမ်နီးနားချင်းတွေကိုခေါ်ပြီး သူ့ကို ကူဖို့ပြောတယ် ။ သူတို့အားလုံးဟာ တူရွင်းငန်းပြားတွေယူပြီး မြေကြီးတွေတူးလို့ ရေတွင်းကို စတင်ပြီးဖို့ကြပါတယ် ။

ပထမမှာတော့ မြည်းဟာ သူဘာဖြစ်တော့မယ်ဆိုတာသိပြီး ကြောက်လန့် ထိတ်ရွံ့စွာ ငိုကြွေးပါတယ် ။ အဲဒီနောက်မှာတော့ လူတွေရဲ့ အံ့သြဖွယ်ရာ (သူ့ကို မြေမြှုပ်တဲ့လုပ်ရပ်) ရဲ့အောက်မှာ သူ့အသံဟာ ဖုံးလွှမ်းသွားခဲ့ရတယ် ။

မြေကြီးအနည်းငယ်ဖို့ပြီးတဲ့အခါမှာ လယ်သမားဟာ ရေတွင်းထဲကိုငုံ့ကြည့်လိုက်တယ် ။ သူ မြင်လိုက်ရတာကိုကြည့်ပြီး လယ်သမားဟာ အလွန်အမင်း အံ့သြတုန်လှုပ်သွားခဲ့ရတယ် ။ မြေကြီးတွေ ရေတွင်းထဲ ဖို့ဖို့ ပစ်ချလိုက်တဲ့အခါတိုင်း မြည်းဟာ သူ့ကျောပေါ်တင်လာတဲ့ မြေကြီးတွေကိုခါထုတ်ပြီး အဲဒီမြေကြီးတွေပေါ်ကို နင်းလို့ အပေါ်ကို တက်တက်လာတာကိုတွေ့လိုက်ရလို့ဖြစ်ပါတယ် ။ လယ်သမားဟာ တုန်လှုပ်သွားပြီးမြေကြီးတွေကို ဆက်ဖို့စေခဲ့တယ် ။

လူတိုင်းလူတိုင်းဟာ ကျောပေါ်တင်လာတဲ့မြေကြီးတွေကို ခါထုတ်ပြီး အပေါ်ကို တဖြည်းဖြည်း မြင့်တက်လာနိုင်တဲ့ မြည်းရဲ့လုပ်ရပ်ကို အံ့သြတုန်လှုပ်နေခဲ့ရပါတယ် ။ ဒီလိုနဲ့နောက်ဆုံးမှာ မြည်းဟာ သူ့ကျောပေါ်ရောက်လာတဲ့ မြေကြီးတွေကို ခါထုတ် အဲဒီမြေကြီးတွေအပေါ် နင်းလို့ တွင်းနှုတ်ခမ်းဝကနေ အပြင်ကို အောင်အောင်မြင်မြင်နဲ့ရောက်ရှိသွားပါတယ် ။

#####################################

ဘ၀ကို ဖြတ်သန်းတဲ့အခါ မြေကြီးလိုမျိုး ဒုက္ခ တွေ အခက်အခဲတွေ နဲ့ ပင်ပန်းနွမ်းနယ်မှုတွေ လောကဓံတွေ ကိုယ့်ကျောပေါ်မှာ ခါးဆီးခံရတာ အမှန်တရားပါပဲ ။ ကျွန်တော်တို့လုပ်ဖို့က ကိုယ့်ကျောပေါ် တင်လာတဲ့ လောကဓံနဲ့ ဒုက္ခတွေကို ခါချပစ်လိုက်ဖို့ပဲ ။ ဒုက္ခတစ်ခုချင်းဆီကို ဖြတ်နင်းပြီး အောင်မြင်မှု တွင်းနှုတ်ခမ်းဝဆီကို လှမ်းတက်နိုင်ဖို့ပဲလိုတယ် ။ ဘယ်လောက်ကြီးပဲ ဆိုးရွားတဲ့ ဒုက္ခတွေ ဖြစ်ပါစေ လက်လျော့လိုက်ဖို့ ဘ၀ကို ရပ်တန့်လိုက်ဖို့ မဆုံးဖြတ်ပါနဲ့ ။ အရာရာတိုင်းမှာ ထွက်ပေါက်ဆိုတာ ရှိပါတယ် ။ ဘယ်တော့မှ အရှုံးမပေးပါနဲ့ ။ အရာအားလုံးကို ကိုယ့်ကျောပေါ်ကနေ ခါထုတ်လိုက်ပြီးတဆင့်ချင်းစီ လှမ်းတက်သွားလိုက်ပါ ။

သက်တန့်ချို (ဧဒင်ဥယျာဉ်)
Read More

Sunday, April 29, 2012

အလှူခံ တကျိပ်လေး၊ ခွေးလေးမကျန်

9:01 PM  nanda  No comments

အလှူခံ တစ်ကျိပ်လေး(၁၄)

၁။ ဘုရားရှင်အား လှူဒါန်းခြင်း။
၂။ ပစ္စေကဗုဒ္ဓါတို့အား လှူဒါန်းခြင်း။
၃။ ဘုရားတပည့်သား ရဟန္တာပုဂ္ဂိုလ်အား လှူဒါန်းခြင်း။
   (သို့မဟုတ်) အရဟတ္တဖိုလ်၌တည်သော ပုဂ္ဂိုလ်အား လှူဒါန်းခြင်း။
၎။ အရဟတ္တဖိုလ်ကို မျက်မှောက်ပြုရန် ကျင့်ကြံနေသောပုဂ္ဂိုလ်အား လှူဒါန်းခြင်း။
   (သို့မဟုတ်) အရဟတ္တမဂ်၌တည်သော ပုဂ္ဂိုလ်အား လှူဒါန်းခြင်း။
၅။ အနာဂါမ်ပုဂ္ဂိုလ်အား လှူဒါန်းခြင်း။
   (သို့မဟုတ်) အနာဂါမိဖိုလ်၌တည်သော ပုဂ္ဂိုလ်အား လှူဒါန်းခြင်း။
၆။ အနာဂါမိဖိုလ်ကို မျက်မှောက်ပြုရန် ကျင့်ကြံနေသောပုဂ္ဂိုလ်အား လှူဒါန်းခြင်း။
   (သို့မဟုတ်) အနာဂါမိမဂ်၌တည်သော ပုဂ္ဂိုလ်အား လှူဒါန်းခြင်း။
၇။ သကဒါဂါမ်ပုဂ္ဂိုလ်အား လှူဒါန်းခြင်း။
   (သို့မဟုတ်) သကဒါဂါမိဖိုလ်၌တည်သော ပုဂ္ဂိုလ်အား လှူဒါန်းခြင်း။
၈။ သကဒါဂါမိဖိုလ်ကို မျက်မှောက်ပြုရန် ကျင့်ကြံနေသောပုဂ္ဂိုလ်အား လှူဒါန်းခြင်း။
   (သို့မဟုတ်) သကဒါဂါမိမဂ်၌တည်သော ပုဂ္ဂိုလ်အား လှူဒါန်းခြင်း။
၉။ သောတာပန်ပုဂ္ဂိုလ်အား လှူဒါန်းခြင်း။
   (သို့မဟုတ်) သောတာပတ္တိဖိုလ်၌တည်သော ပုဂ္ဂိုလ်အား လှူဒါန်းခြင်း။
၁၀။ သောတာပတ္တိဖိုလ်ကို မျက်မှောက်ပြုရန် ကျင့်ကြံနေသောပုဂ္ဂိုလ်အား လှူဒါန်းခြင်း။
   (သို့မဟုတ်) သောတာပတ္တိမဂ်၌တည်သော ပုဂ္ဂိုလ်အား လှူဒါန်းခြင်း။
၁၁။ သာသနာပအခါ ဈာန်အဘိညာဉ်ရသော ရသေ့တို့အား လှူဒါန်းခြင်း။
၁၂။ သီလရှိသော လူ ပုထုဇဉ်တို့အား လှူဒါန်းခြင်း။
၁၃။ သီလမရှိသော လူ ပုထုဇဉ်တို့အား လှူဒါန်းခြင်း။
၁၄။ တိရစ္ဆာန်တို့အား လှူဒါန်းခြင်း။
(လင်္ကာ) ဘုရားမြတ်စွာ၊ ပစ္စေကာနှင့်၊
            ရိယာ ရှစ်ဝ၊ ဈာန်ရ ဗာဟီ၊
            နှစ်လီ ပုထုဇဉ်၊  
            တိရစ္ဆာန်၊ လှူခံ တစ်ကျိပ်လေး
* တိရစ္ဆာန် အလှူ၊ အကျိုးမူ၊ ရယူ ဆ-တရာ။
တိရစ္ဆာန်တကောင်ကို 
စေတနာသုံးတန် ပြဋ္ဌာန်းပြီး တနပ်စာ ၀အောင်ကျွေးမွေးလိုက်ရင် 
ထိုအလှူရှင်မှာ ဘ၀တစ်ရာ အသက်ရှည်ခြင်း၊ အဆင်းလှခြင်း၊ ချမ်းသာကြီးခြင်း၊ ခွန်အားကြီးခြင်း၊ ဉာဏ်ပညာကြီးခြင်း-ဆိုတဲ့ အကျိုးတရား ၅-ပါးကို ရပါသည်။
* သီလမဲ့-လှူ၊ အကျိုးမူ၊ ရယူ တထောင်သာ။
ဘာသီလမှ မရှိတဲ့ လူဆိုး, သူခိုး တယောက်ကို 
စေတနာသုံးတန် ပြဋ္ဌာန်းပြီး တနပ်စာ ၀အောင်ကျွေးမွေးလိုက်ရင် 
ထိုအလှူရှင်မှာ ဘ၀တထောင် အသက်ရှည်ခြင်း၊ အဆင်းလှခြင်း၊ ချမ်းသာကြီးခြင်း၊ ခွန်အားကြီးခြင်း၊ ဉာဏ်ပညာကြီးခြင်း-ဆိုတဲ့ အကျိုးတရား ၅-ပါးကို ရပါသည်။

* သီလရှိ-လှူ၊ အကျိုးမူ၊ ရယူ တသိန်းပါ။
သီလရှိတဲ့ အလှူခံပုဂ္ဂိုလ် တယောက်ကို 
စေတနာသုံးတန် ပြဋ္ဌာန်းပြီး တနပ်စာ ၀အောင်ကျွေးမွေးလိုက်ရင် 
ထိုအလှူရှင်မှာ ဘ၀တသိန်း အသက်ရှည်ခြင်း၊ အဆင်းလှခြင်း၊ ချမ်းသာကြီးခြင်း၊ ခွန်အားကြီးခြင်း၊ ဉာဏ်ပညာကြီးခြင်း-ဆိုတဲ့ အကျိုးတရား ၅-ပါးကို ရပါသည်။

* ဈာန်ရ လှူလေ၊ အကျိုးတွေ၊ ကုဋေ တသိန်းပါ။
သာသနာပမှာ ဈာန်ရတဲ့ ပုဂ္ဂိုလ်တယောက်ကို 
စေတနာသုံးတန် ပြဋ္ဌာန်းပြီး တနပ်စာ ၀အောင်ကျွေးမွေးလိုက်ရင် 
ထိုအလှူရှင်မှာ ဘ၀ ကုဋေတသိန်း အသက်ရှည်ခြင်း၊ အဆင်းလှခြင်း၊ ချမ်းသာကြီးခြင်း၊ ခွန်အားကြီးခြင်း၊ ဉာဏ်ပညာကြီးခြင်း-ဆိုတဲ့ အကျိုးတရား ၅-ပါးကို ရပါသည်။

* သောတာလောင်း-လှူ၊ အကျိုးမူ၊ ရယူ သင်္ချေပါ။ 
သောတာပန်လောင်း အလှူခံပုဂ္ဂိုလ် တယောက်ကို 
စေတနာသုံးတန် ပြဋ္ဌာန်းပြီး တနပ်စာ ၀အောင်ကျွေးမွေးလိုက်ရင် 
ထိုအလှူရှင်မှာ ဘ၀ အသင်္ချေ အသက်ရှည်ခြင်း၊ အဆင်းလှခြင်း၊ ချမ်းသာကြီးခြင်း၊ ခွန်အားကြီးခြင်း၊ ဉာဏ်ပညာကြီးခြင်း-ဆိုတဲ့ အကျိုးတရား ၅-ပါးကို ရပါသည်။

ဓမ္မဒူတ အရှင်ပညာဇောတ
--------------------------------------------------------------------

                   အလှူခံ တစ်ကျိပ်လေး ခွေးလေးမကျန်

     အခါတစ်ပါး၌ ရဟန်းတော်တစ်ပါး ဆွမ်းစားပြီးခါစ သပိတ်ဆေးရန်ပြင်ဆင်နေသောအချိန်တွင် 
သားသယ်အမေ ခွေးပိန်မလေး တစ်ကောင် အနားသို့ ရောက်လာသည်။  ခွေးမလေးမှာ သားသမီးတို့၏ နို့ဆွဲထားမူကြောင့် ဆာလောင်ကာ နေလိမ်မည်။ အပြင်မှာ ရှာမရလိုဒီနားရောက်လာတာ နေမှာဟု
ခွေးမလေး၏ ဒုက္ခတွေကို ထပ်တူခံစားမိသည်။ ဒီအချိန်မှာစားစရာသာသူရရင် ပျော်ရှာမှာပဲဟု
တွေးကာ အနီးအပါး၌ စားစရာရှိမလားဟု စိတ်ထဲမှာ ရှာကြည့်သော်လည်း မရနိုင်ပေ။
     နောက်ဆုံးတွင် မိမိဝမ်းတွင်းမှ အစာများကို အန်ကျွေးမည်ဟုဆုံးဖြတ်ကာ ခွက်သန့်သန့် တစ်လုံး
ရှာ၍ အန်ထုတ်ကာကျွေးလိုက်သည်။ ခွေးမလေးမှာ ဟတ်ဟတ်ထိုးစားနေသည်ကိုကြည့်၍ အလွန်မတန်
မှပျော်ရွှင် ပီတိ့ဖြစ်ရသည်။ စားပြီးသော် ခွေးမလေးကမော့ကြည့်နေသည်။ မဝသေးလို့နေမှာ ဟုတွေးကာ
နောက်တစ်ကြိမ် အန် ကြွေးပါသည်။ စားနေသောခွေးမလေးကို ကြည့်ကာထပ်တူပျော်နေသည်။
ကုန်ပြန်တော့ ခွေးလေးက မော့ကြည့်နေပြန်သည်။ တတိယ အကြိမ်ဝမ်းထဲရှိသမျှထပ်အန်ကြွေးလိုက်ပြန်သည်။
      သုံးကြိမ်တိုင် စားပြီးအစာဝကာ ခွေးမလေးပြန်သွားသည်။ ရဟန်းတော်သည် ခွေးလေးအား
အန် ကျွေးရ၍ ပျော်ရွှင်ပီတိ အပြည့်ဖြစ်နေမိသည်။ ညအချိန်ရောက်သော် ဆာလောင်မူကြောင့်
စားစရာများအား ပုံဖော်မိသည်။အနီးမှ တကာ၊တကာမများ ဆွမ်း၊စားသောက်ဖွယ်ရာများ စီမံကာ
 လာပို့ကြသည်။ ထိုအချိန်မှစကာ ထိုရဟန်းသည် စားစရာအတွက် စိတ်ညွတ်မိလိုက်သည်နှင့်
လူနတ်မကျန် ရှင်ရဟန်း၏ မျက်နာတော်ကို မြင်ယောင်ကာ ဆွမ်းများပြင်ဆင်ကာ ပိုချင်စိတ်များ
ပေါ်ကာ လာ၍လှူဒါန်းကြသည်။ ထိုနေ့မှစ၍ စားသောက်ဖွယ်ရာတို့သည် ထိုရဟန်းအတွက် အလျှံအပယ်
ပေါများနေတော့သည်။
     လူသူမရှိသည့် တောတောင်တွင် ရောက်စေဦး ဆွမ်းအတွက် စိတ်ညွတ်သည်နှင့် နတ်တို့သည်
လူယောင်ဆောင်ကာ လာ၍လှူကြသည်။ထိုကြောင့် သစ်ပင်ရှိလျှင်ဆွမ်းရှိသည်ဟုဆိုကာ ထိုရဟန်းကို
သီဟိုဠ်ခေတ် ရှင်သီဝဠိ ဟုသီဟိုဠ် ၌လူတိုင်းသိကြသည်။
   ထိုရဟန်းတော်ကို ကြည်ခြင်းဖြင့် တိရစ္ဆာန်ကိုလှူတာတောင် စေတနာသုံးတန် အပြည့်ပါလျှင် 
ချက်ချင်းအကျိုးပေးနိုင်ပေသည်။
၁။ လှူရန်ကြံစည်သော စေတနာ
၂။ လှူဆဲ စေတနာ
၃။ လှူပြီး စေတနာ
 ဒီ ၃ ချက်သာ မကျိုးမပေါက်ပဲ ပြည့်ပြည့်ဝဝ ပါအောင် လှူပါ အကျိုးပေးသန်ပါသည်။
    ၁။ ရဟန်းတော်သည် ပေးလှူဖို့ စိတ်ကူးသည်။ 
    ၂။ နောက်တခြားလှူစရာမရနိုင်၍ အန်ကျွေး လှူကာ ပျော်သည်။
    ၃။ လှူပြီးသော်လည်းပျော်နေသည်။
   အဓိက လှူနေဆဲတွင်တခြားအကြောင်းမစဉ်းစားပါ။ခွေမလေး ဆင်းရဲးမူကိုတွေးကာ တပ်တူခံစားပြီး
အစာရလျှင်ပျော်ရှာမှာပဲဟု တွေးကာ အန်ထုတ်ကာကျွေးသည်။ကျွေးနေစဉ် လမ်းသွားလမ်းလာတို့၏  စကားသံများ ကျီးသံ၊ငှက်သံ၊ဆွမ်းမစားရရင် ညကျဗိုက်ဆာလိမ့်မည် စသည့်၊စသည့် အကြောင်းတွေကို
လုံဝမစဉ်းစားပါ။
      ခွေးလေးဝရေးသာ ဦးစားပေးကာ စားနေတာကိုကြည့် ပီတိဖြစ်၍ နေပါသည်။အလယ်စေတနာ
အားကောင်းလွန်းလှသည်။ထိုကြောင် ချက်ချင်း အကျိုးပေးသွားသည်။
            မိမိအိမ်မှာမွေးထားသော ခွေးလေး၊ကြောင်လေးတွေဟာလည်း အလှူခံတွေ ပါပဲ။သန့်သန့်ရှင်းရှင်းနဲ စေတနာပါပါလေး ကြွေးလိုက်ရင်ပင် ကုသိုလ်တွေ ရနေတယ်ဆိုတာသိပါ။

      တချို့ လူတွေပြောကြသည် ဘုရားလက်ထက် ကလူတွေကံကောင်းကြသည်။လှူလျှင် ချက်ချင်း
အကျိုးပေးကြသည်။ငါတိုတတွေ ခဏခဏလှူနေတာတောင် ဘာမှဖြစ်မလာ။ဘုန်းကြီးတွေက သီလ
မကောင်းလိုနေမှာပေါ့ စသဖြင့် ပြောတတ်ကြသည်။
       ကိုယ့်ဖက်ကိုပြန်ကြည့်ပါ။စေတနာ ၃ ချက် ဘယ်လောက်ပြည့်သလဲ။အလှူခံတွေထဲမှာ အနိမ့်ဆုံး တိရစ္ဆာန် ခွေးကလေးလှူတာတောင်   ဒီလောက်အကျိုးပေး တာ။ တခြားကြောင့်မဟုတ် ကိုယ်စေတနာ လောက်သာပြန်လာခြင်းပါ။
       အများသူငါ အလှူပေးကြရာဝယ် သေးသေးမွှားမွှား မှ ချိမ့်ချိမ့်သဲးအလှူများအထိ ဘယ်လိုလှူလဲ
ပြန်ကြည့်ပါ။လှူရန်ကြံရွယ်စဉ် ပေါ်လိုက်၊ပျောက်လိုက်မတည်ငြိမ်တဲ့ စေတနာတွေနဲ့ 
လှူရန်ကြံစည်သော စေတနာ  ပြည့်စုံပါရဲ့လား။

လှူစဲ စေတနာ  အလှူပေးနေစဉ်မှာလည်း ပကာသနတွေ လုပ်နေကြရသဖြင့် အလှူခံတွေအပေါ်   စေတနာ ဘယ်လောက်ရောက်ပါသလဲ။
လှူပြီး စေတနာ 
   လှူပြီးသွားသော် ပီတိများနှင့် ပျော်နိုင်ပါရဲ့လား။လှူစဉ်က အဆင်မပြေမူများ စိတ်ညစ်စရာများ
နှင့် ခေါင်းရှုပ်ကျန်နေခဲ့သော အလှူဟာ  လှူပြီး စေတနာ  ပြည့်စုံပါရဲ့လား။
 အဲဒီလို လိုအပ်ချက်များ နှင့်အလှူ၏ အကျိုးပေး သန်နိုင်ပါမလား။
     မိမိတို့ လိုအပ်ချက်များကို ပြင်ဆင်ကာ လှူကြည့်ပါ။သိသာလာပါလိမ်မည်။
လှူသမျှအချည်းအနီးတော့မဖြစ်ပါ။အခုချက်ချင်း အကျိုးမပေးနိုင်ရင် ဒုတိယဘဝမှာအကျုိုးပေပါသည်။
ဒါမှမဟုတ် အခွင်မသာက တတိယဘဝမှသည် နိဗ္ဗာန်မရောက်မချင်းဘဝများမှာ အကျိုးပေးပါသည်။
                  လှူခြင်းဟာ ယူခြင်းပါ  ၊ပေးခြင်းဟာ ရခြင်းပါ
ပိုင်းလော့ဆရာတော်၏ တရားတော်များမှ ကောက်နုတ်ပါသည်။
                                                                                            ( မောင်မြင့်၊ရွှေမြို့ တော်)

Read More

ဂင်းနစ် ကမ္ဘာ့စံချိန်မှတ်တမ်းဖြစ်ပေါ်လာပုံ နှင့် မှတ်တမ်းတင်ခံရသူ မြန်မာနိုင်ငံသား မင်းကွန်း တိပိဋက ဆရာတော် ဘုရားကြီး အကြောင်း။

8:21 PM  nanda  No comments


ဂင်းနစ်ကမ္ဘာ့စံချိန်မှတ်တမ်းစာအုပ်ကို အင်္ဂလိပ်ဘာသာဖြင့် Guinness Book of World Records ဟု ခေါ်ဆိုပါသည်။ ၎င်းကို ၁၉၅၅-ခုနှစ်မှ စ၍ နှစ်စဉ်ထုတ်ဝေခဲ့ပြီး နိုင်ငံတကာမှ ကမ္ဘာ့စံချိန်များကိုစုဆောင်း တင်ပြထားပါသည်။ ဂင်းနစ်ဟူသောအမည်မှာအိုင်ယာလန်နိုင်ငံရှိ ဂင်းနစ် (Arthur Guinness) ဘီယာကုမ္ပဏီကို ရည်စူးပါသည်။ ၁၇၅၂-ခုနှစ်တွင် အာသာဂင်းနစ် (၁၇၅၂-၁၈၀၃) ဆိုသော ပုဂ္ဂိုလ်တစ်ယောက်သည် ပေါင်ငွေတစ်ရာကို အမွေရ      ရှိခဲ့ပါသည်။ ၎င်းပေါင်ငွေတစ်ရာကို အရင်းပြု၍ အာသာဂင်းနစ်သည် ယမကာဆိုင်တစ်ခုကို စတင်တည်ထောင်ခဲ့ပါသည်။ ၁၇၅၉သို့ ရောက်သောအခါ ဒဗွလင်မြို့သို့ ပြောင်းရွှေ့ဖွင့်လှစ်ခဲ့ပါသည်။ သူသေဆုံးပြီးနောက် သားဖြစ်သူ အာသာ(၁၇၆၇-၁၈၅၂)၊ မြေးဖြစ်သူ ဘင်ဂျမင်ဂင်းနစ် (၁၇၉၈-၁၈၆၈) တို့က ဘီယာလုပ်ငန်းကိုဆက်လက်လုပ်ကိုင်ခဲ့ကြပါသည်။ ဘင်ဂျမင်လက်ထက်တွင်ဂင်းနစ် ဘီယာသည် အမေရိကန်၊အင်္ဂလန် နှင့် ဥရောပ တိုင်းပြည်များသို့ပါ တင်ပို့ရောင်းချနိုင်သည် အထိ လုပ်ငန်းအောင်မြင်ခဲ့ပါသည်။ ဂင်းနစ်မိသားစုသည် သူတို့၏ ဂင်းနစ်ဘီယာကို ကိုယ်ပိုင်စက်ရုံတည်ဆောက်ကာ ထုတ်လုပ်ရောင်းချခဲ့ခြင်းဖြစ်ပါသည်။ သူတို့၏ဘီယာ အောင်မြင်ရခြင်းတွင်အချက်(၂)ချက်သည် အရေးပါပါသည်။ ပထမအချက်မှာဂင်းနစ်ဘီယာ သည် အရည်သက်သက်မဟုတ်ဘဲ အနည်းငယ်စေးပျစ်သည်။ ဘီယာတစ်ပိုင့်ကိုငှဲ့မည်ဆိုပါက ၁၁၉ ဒသမ ၅-စက္ကန့်ကြာမည်ဟု ကြေငြာကာ စားသုံးသူကို စွဲဆောင်နိုင်ခဲ့ ပါသည်။ ဒုတိယအချက်မှာ ဂင်းနစ်ဘီယာ ထည့်ခွက်၏ ထူးခြားမှုပင် ဖြစ်ပါသည်။ ဂင်းနစ်ဘီယာ
ကုမ္ပဏီသည် ကိုယ်ပိုင်ခွက်တစ်မျိုးကို တီထွင်ထုတ်လုပ်ခဲ့ပါသည်။ အဆိုပါခွက်အတွင်းသို့ ဘီယာကိုထည့်မည်ဆိုပါက ဘီယာမြှုပ်များသည် အပေါ်သို့မတက်ဘဲ အောက်သို့ သာဆင်းသွားသည်ကို တွေ့မြင်ရမည်ြဖစ်ပါသည်။ ဤနည်းဖြင့် စားသုံးသူကို ကောင်းစွာ စွဲဆောင်နိုင်ခဲ့ကြပါသည်။၁၉၅၅-တွင် ဂင်းနစ်ဘီယာအရောင်းဆိုင်တစ်ဆိုင်၌ ဘီယာသောက်သူများ ငြင်းခုံမှုတစ်ခု ဖြစ်ကြပါသည်။ ၎င်းအငြင်းအခုံမှာမည်သည့် ငှက်သည် အမြန်ဆုံးပျံသန်းနိုင်သနည်းဟူသော မေးခွန်းနှင့်ဆက်စပ်နေပါသည်။ ငြင်းခုံသူများသည် အကိုးအကားစာအုပ်မျိုးစုံကို ရှာဖွေပါသော်လည်း ရှာမတွေ့နိုင်ဖြစ်နေပါသည်။ ဤတွင် ဆိုင်ရှင်ဖြစ်သူ ဂင်းနစ်မျိုးနွယ်တစ်ယောက်သည် ကမ္ဘာ့စံချိန်မှတ်တမ်း စာအုပ်တစ်အုပ် လိုအပ်ကြောင်း သတိပြုမိသွားပါသည်။ ဤသို့ဖြင့်၁၉၅၅-တွင် ပထမဆုံးဂင်းနစ်ကမ္ဘာ့စံချိန် စာအုပ်ထွက်ပေါ်လာပါသည်။ စာအုပ်ကိုတာဝန်ခံ ရေးသားသူမှာ ရော့စ်ဝှစ်တနာ နှင့်
နောရစ် ၀ှစ်တနာ(Ross and Noris Whitner) အမြွှာညီအစ်ကို နှစ်ယောက်ဖြစ်ပါသည်။ ၎င်းတို့သည် သတင်းထောက်များ၊ ဂျာနယ်တိုက်များမှ အချက်အလက်များ ကိုရယူပြီး စာအုပ်ရေးသားထုတ်ဝေခဲ့ပါသည်။ ပြီးနောက် ခရစ်စမတ်ဈေးရောင်းပွဲတော်အမှီ အောက်တိုဘာလတိုင်းတွင်စာအုပ်ကို နှစ်စဉ်ထုတ်ဝေခဲ့ပါသည်။ စာအုပ်တွင် ကြက်ဥအဝေးဆုံးရောက်အောင် ပစ်နိုင်သူ၊ ဆယ်မိနစ်အတွင်း ဟော့ဒေါ့ (Hot Dog) အများဆုံး စားနိုင်သူ၊ အရပ်အရှည်ဆုံးလူသား၊ အကြီးဆုံးကင်ဆာကျိတ်၊ အဆိပ်ပြင်းဆုံး အပင်၊ အတိုဆုံးမြစ်စသည်ဖြင့် ကမ္ဘာ့စံချိန်များကို မှတ်တမ်းတင်ဖော်ပြခဲ့ပါသည်။ ယခုအခါ ထိုစာအုပ်သည်  ကမ္ဘာ့အရောင်းရဆုံး စာအုပ်တစ်အုပ်ဖြစ်ပြီး တစ်နှစ်အတွင်း အကြိမ်ပေါင်းများစွာ ပုံနှိပ်ခဲ့ရပါသည်။ လူတို့သည် ထိုစာအုပ်တွင် မှတ်တမ်းတင်ခံရစေရန် အမျိုးမျိုး ကြိုးစားလာကြပါသည်။ တစ်ခါက ဂင်းနစ်စာအုပ်တွင် အလေးဆုံးကြောင် အကြောင်းကို ဖော်ပြခဲ့ပါသည်။ ထိုအခါ ကြောင်ပိုင်ရှင်များသည် သူတို့ကြောင်များ ကို စံချိန်ချိုးနိုင်အောင် အစာများ တနင့်တပိုးကျွေးခဲ့သဖြင့် ကြောင်သေဆုံးမှုများ ပေါ်ပေါက် လာပါသည်။  ထို့ကြောင့် စာအုပ်တွင် ကျန်းမာရေးနှင့် အသက်အန္တရာယ်ထိခိုက်စေသော ကိစ္စများကို ဖော်ပြဖြင်းမပြုရန် ဆုံးဖြတ်ခဲ့ကြပါသည်။ ဂင်းနစ်စာအုပ်သည် တစ်ကမ္ဘာလုံးမှ စံချိန်များကို မှတ်တမ်းတင်ထားခြင်းဖြစ်ရာမြန်မာနိုင်ငံမှ ပုဂ္ဂိုလ်ထူးတစ်ဦးလည်း ပါဝင်ခဲ့ ပါသည်။ အဆိုပါပုဂ္ဂိုလ်ထူးမှာ မင်းကွန်းတိပိဋကဓရ ဆရာတော်ကြီး ဦးဝိစိတ္တသာရာ ဘိဝံသ ပင်ဖြစ်ပါသည်။ ဆရာတော်ကြီးသည် ပိဋကတ်သုံးပုံ၊ စာမျက်နှာပေါင်း (၉၉၃၄) မျက်နှာကို တစ်ချက်မှထောက်မပေးရဘဲ အလွတ်အာဂုံဆောင်နိုင်သောကြောင့်  ကမ္ဘာ့မှတ်ဉာဏ် အကောင်းဆုံး ပုဂ္ဂိုလ်အဖြစ် ဂင်းနစ်စာအုပ်တွင် နှစ်ကြိမ်တိုင် ဖော်ပြခံခဲ့ရပါသည်။ ဆရာတော်ကြီး၏ မှတ်ဉာဏ်ကိုချီးကျူးလိုလျှင် တိပိဋကဓရရွေးချယ်ရေး စာမေးပွဲအကြောင်း ကို သိထားသင့်ပါသည်။ ဤစာမေးပွဲသည် ပိဋကတ်သုံးပုံကို နှုတ်ဖြေ၊ ရေးဖြေဖြေဆိုရသော စာမေးပွဲဖြစ်ပြီး ကမ္ဘာပေါ်တွင် အခက်ခဲဆုံးစာမေးပွဲကြီး ဖြစ်ပါသည်။ မည်မျှခက်ခဲပါသနည်း ဆိုလျှင်  စတင်စစ်ဆေးသော မြန်မာနှစ် ၁၃၁၀-မှ ၁၃၆၂- အထိ ၅၃-နှစ်အတွင်း အောင်မြင်သူ ၉-ဦးသာရှိခဲ့ပါသည်။ စာမေးပွဲအောင်မှတ်မှာ အမှတ်၁၀၀-တွင်၇၅-မှတ်ရမှသာ အောင်မြင်
ပါ သည်။  ပိဋကတ်သုံးပုံကို အလွတ်ရွတ်ဆိုရာတွင် နံနက် ၈-နာရီမှ၁၀-နာရီအထိ တစ်ကြိမ်၊ နေ့လယ် ၁-နာရီမှ၎-နာရီအထိ တစ်ကြိမ်၊ တစ်နေ့လျှင် ၂-ကြိမ်ခွဲ၍ စာပြန်ရပါသည်။ သတ်မှတ်ထားသော အချိန်အတွင်း သတ်မှတ်ထားသော စာမျက်နှာအရေအတွက် ကိုပြီးအောင်ပြန်ဆိုရပါသည်။ အချိန်ကိုက် စာမပြန်နိုင်လျှင် စာမေးပွဲကျပါသည်။ တစ်နေ့လုံး အတွက်စာ ၅-ခါ ထောက်ပေးခွင်ရှိပါသည်။ ၅-ခါထက်ပို၍ ထောက်ပေးရလျှင် စာမေးပွဲ ကျပါသည်။ စာကို အလွတ်ရွတ်ဆိုရင်း ၀ါကျတစ်ခု ကျော်သွားပါက စာမေးပွဲကျပါသည်။ ထို့ကြောင့် ကမ္ဘာ့အခက်ဆုံး စာမေးပွဲကြီးဟု ဆိုရခြင်းဖြစ်ပါသည်။ ဆရာတော်ကြီးသည် အဆိုပါ စာမေးပွဲကြီးတွင် စာမျက်နှာ၉၉၃၄-မျက်နှာလုံးကို တစ်ချက်မှထောက်မပေးရဘဲ အလွတ်ရွတ်ဆိုနိုင်ခဲ့ပါသည်။ ထိုမျှမကသေး။ စာအုပ်မူကွဲ အမျိုးမျိုး ရှိပါက မည်သည့်စာအုပ်၊ စာမျက်နှာမည်မျှ၊ စာကြောင်းရေမည်မျှတွင် မည်သို့ဆိုသည် မည်သည့်စာအုပ်က အမှန် ဖြစ်သည်ဟူသည်အထိ ထောက်ပြနိုင်လောက်အောင် ပညာဉာဏ်ကြီးမားလွန်းလှပါသည်။ ရေးဖြေ ဖြေဆိုရာ၌လည်း
သီလက္ခန္ခ၀ဂ်                 -     ၉၃-မှတ်
မဟာဝဂ်                       -     ၉၇-မှတ်
ပါတိက၀ဂ်                    -     ၉၇-မှတ်
ပါရာဇိကဏ်                 -     ၈၉-မှတ်
ပါစိတ်ပါဠိတော်             -     ၉၉-မှတ်
မဟာဝဂ္ဂပါဠိတော်          -     ၉၂-မှတ်
စူဠ၀ဂ္ဂပါဠိတော်             -     ၉၈-မှတ်
ပရိဝါပါဠိတော်              -      ၁၀၀-မှတ်
စသည်ဖြင့် ဘာသာတိုင်းကို ဂုဏ်ထူးမှတ် ၈၅-မှတ် အထက်ဖြင့် ဖြေဆိုအောင်မြင်ခဲ့ပါသည်။ ဆရာတော်ကြီးကို ၁၂၇၃၊ တန်ဆောင်မုန်းလဆန်း ၁၁-ရက်နေ့တွင် မြင်းခြံမြို့နယ်၊ကျည်ပင် ရွာသူကြီး ဦးဆုံ၊ ဒေါ်ဆင်တို့မှ ဖွားမြင်ခဲ့ပါသည်။ ငယ်မည် မောင်ခင်ဖြစ်ပါသည်။ ၇-နှစ်သား အရွယ်တွင် သာမဏေ ၀တ်ခဲ့ပြီး ၁၅-နှစ်သားတွင် ပထမငယ်တန်း၊ ၁၆-နှစ်သားတွင် ပထမလတ်တန်း၊ ၂၀-နှစ်တွင် ပထမကြီးတန်းတို့ကို အောင်မြင်ခဲ့ပါသည်။ ၁၂၉၅-တွင် အစိုးရပထမကြီးတန်းကို ပထမကျော်ဟူသော ဘွဲ့ထူးဖြင့် အမြင့်ဆုံး အောင်မြင်ခဲ့ပါသည်။ ထိုနှစ်တွင်ပင် သကျသီဟစာသင်တန်းကိုလည်းကောင်း၊ ၁၂၉၆-တွင် စာချတန်းကို လည်းကောင်း    တစ်ဆက်တည်းအောင်မြင်၍ ၀ဋံသကာ(ဦးဆောက်ပန်းဘွဲ့) ဖြင့်ချီးကျူး ပူဇော်ခြင်းခံခဲ့ရပါသည်။ ပိဋကတ်သုံးပုံကို အထောက်အမကင်းစွာ အာဂုံပြန်ဆို နိုင်သောကြောင့်  တရားဘဏ္ဍာစိုးဟုအဓိပ္ပယ်ရသော တိပိဋကဓရဓမ္မဘဏ္ဍာဂါရိကဘွဲ့ကို ဆက်ကပ်ခြင်းခံခဲ့ ရပါသည်။ ဆဋ္ဌသံဂါယနာတင်ပွဲကြီးတွင်လည်း  မဟာစည်ဆရာတော်ကြီး မေးသမျှကို တစ်လုံးတစ်ပါဒမျှ ထစ်ငေါ့ခြင်းမရှိဘဲ ဖြေဆိုတော်မူ၍ ဆဋ္ဌသင်္ဂတိသဇကအဖြစ် ဆောင်ရွက် ခဲ့ပါသည်။ ထို့ပြင်စာမျက်နှာပေါင်း ၅၀၀၀ ကျော်ရှိသော မဟာဗုဒ္ဓ၀င်ကျမ်းကြီးများကိုလည်း ပြုစုခဲ့ပါသည်။ ထို့ကြောင့်လည်း အစိုးရအဆက်ဆက်က ဆရာတော်ကြီးကို ဘွဲ့ထူးအမျိုးမျိုးဖြင့် ချီးကျူး ပူဇော်ခဲ့ကြပါသည်။ သာသနာ့အာဇာနည် အဂ္ဂမဟာပဏိတ၊ အဘိဓဇ မဟာရဋ္ဌဂုရု၊ အဘိဓဇအဂ္ဂမဟာသဒမ္မဇောတိက၊ တိပိဋကဓရ ဓမ္မဘဏ္ဍာဂါရိက၊ ဆဋ္ဌသင်္ဂါယနာ ၀ိသဇက၊ နိုင်ငံတော် သံဃမဟာနာယကအဖွဲ့ အကျိုးတော်ဆောင်ချုပ်ဆရာတော်ကြီး
ဦးဝိစိတ္တသာရာဘိဝံသ သည် ၉-၂-၁၉၉၃၊အင်္ဂါနေ့  ညနေ၊ ၄-နာရီ ၄၀-မိနစ်တွင် ဘ၀နတ်ထံ ပျံလွန်တော်မူခဲ့ပါသည်။

(စာရေးသူ သန်းမင်းထွဋ် မင်္ဂလာမောင်မယ် အတွဲ-၁ရ၊ အမှတ်-၂၊ ၂၀၀၅-ခုနှစ်၊ ဖေဖော်ဝါရီလ)
မသိသေးသောလူငယ်များအတွက်မျှဝေပေးလိုက်ပါသည်။)
Read More

တန်ခူးရဲ့ရင်ကွဲနာဇာတ်

8:21 AM  nanda  No comments

ယနေ့နံနက် မင်္ဂလာဒုံလေဆိပ်၌ လေယာဉ်ပေါ်သို့ တက်သူတက် ဆင်းတဲ့သူက ပို၍ များနေသည်။ ထို့ကြောင့် လေဆိပ်ဝန်းအတွင်း ဆင်းလာသောသူများနှင့် ဧည့်ကြိုသူများ ရှုပ်ယှက်ခတ်နေကြ၏။ ယခုအချိန်ကား သင်္ကြန်ရက်ကြီး နီးလာပြီဖြစ်၍ ပြည်ပရောက် မြန်မာ အလုပ်သမားများ ခွင့်ရက်ရှည် ရရှိသောကြောင့် အမိမြေသို့ ပြန်လည် ခြေချခွင့်ရခြင်းပင်။

   သက်နှင်းတစ်ယောက် လူအုပ်ကြားထဲ မောင့်ကို ဂရုတစိုက် ရှာဖွေနေမိ၏။ စုပြုံတိုးထွက်လာသော အဖွဲ့များထဲ မောင်ကို လှမ်းကြည့်မိသော်လည်း ယခုအချိန်ထိ မတွေ့သေး။ နာရီများစွာ ကြာကြာရပ်စောင့်နေရသော ခြေထောက်က ညောင်းညာလာသည်။ ထို့ကြောင့် သက်နှုတ်ခမ်းက စူလာမိ၏။ သက်ကို အခုလို ကြာကြာစောင့်ခိုင်းတဲ့မောင် တွေ့တော့မှ ရန်တွေ့ပစ်လိုက်အုံးမည်ဟု တေးထားလိုက်၏။

   “ဟိတ်...”

   “အမလေး..”

   ရှေ့သို့ အလောတကြီး အားစိုက်ရှာနေရာ နောက်မှ အလန့်တကြား အော်လိုက်သံကြောင့် သက် တော်တော်လန့်သွား၏။ နဂိုတည်းက စိတ်တိုနေရာ သက်ကို ယခုလို ခြောက်လန့်သူအား ရန်တွေ့ဖို့ နောက်သို့လှည့်လိုက်၏။ ထိုအခါ ပြုံးဖြဲဖြဲဖြင့် လက်ပိုက်နေသောမောင့်ကို မမျှော်လင့်ဘဲ တွေ့ရတော့သည်။ ထို့ကြောင့် သက်က မောင့်ရဲ့ လက်မောင်းကို မနာအောင် ဆွဲဆိတ်ရင်း...

   “ကြည့်... သူများကို အကြာကြီး စောင့်ခိုင်းရုံတင် မကဘူး

    လူကို လန့်အောင်လည်း လုပ်တယ်

    မောင်... မကောင်းဘူးကွာ.. လာမခေါ်နဲ့”

   ထိုအခါ မောင်က သက်ရဲ့ ပုခုံးကို ဆွဲဖက်ရင်း...

   “သက်က စိတ်ကောက်နေတာလား... စိတ်ဆိုးနေတာလား...

   ကဲ....အားလုံး အဆင်ပြေသွားအောင် အနမ်းတစ်ပွင့်နဲ့ ချော့မြူပါရစေဗျာ” ဟု ပြောပြောဆိုဆို သက်ကို ရုတ်တရက် လှမ်းနမ်းလေ၏။

   လူရှုပ်သောနေရာ၌ အဲ့ဒီလို အနမ်းခံရမည်ဟု မထင်သောကြောင့် သက် အငိုက်မိသွားသည်။ ထို့ကြောင့် သက်က

   “မောင်နော်... လူမြင်ကွင်းကြီးမှာ ဘယ်လိုဖြစ်နေတာလဲ..

    မရှက်ဘူးလား...”

   သက်ပြောလိုက်သော စကားကြောင့် မောင်က မျက်ခုံးကို ကျုံ့ရင်း ဘေးဘီကို လှည့်ကြည့်၏။ ထိုနောက် သက်ကို မချိုမချဉ်ပြုံးပြရင်း...

   “အဟီး... ကိုယ့် ဇနီးလောင်း ကိုယ်နမ်းတာပဲ...

    ပတ်ဝန်းကျင်ကို ဂရုစိုက် မနေတော့ပါဘူးကွာ..

    သက်က မမြင်ရတဲ့ သုံးနှစ်အတွင်းမှာ ပိုချောလာတာကိုး..

    အဲ့ဒါကြောင့် မောင်စိတ် မထိန်းနိုင်တာ”

   “သွား.... မောင်ပိုကြီး

    ဟိုမှာ သုံးနှစ်လောက် ဘယ်သူတွေနဲ့ စာရင်းရှုပ်ပြီး

    ဒီလို အပြောတွေနဲ့ပြောတတ်နေရတာလဲ”

   “သက်ကလည်း...ကွာ

    ကိုယ့်အကြောင်းလည်း သိသားနဲ့... ကိုယ့်မှာ ဆောက်လုပ်ရေး အလုပ်နဲ့ပတ်သက်ပြီး

    တစ်ခါမှ မအားရဘူး... သူတို့နိုင်ငံမှာတော့ ပိုက်ဆံတော့ ရပါတယ်...

    ဒါပေမဲ့လည်း ရသလောက်လည်း နားချိန်မရှိအောင် လုပ်ရတယ်...

    ဒီကြားထဲ သက်ကို လွမ်းနေရတာနဲ့ အိပ်ချိန်တောင် ကောင်းကောင်း မရပါဘူး..

    ဒါကို သက်က ဒီလို ပြောတော့ ကိုယ် စိတ်တောင် မကောင်းဘူး”

   “အမယ်လေး... ကိုယ်တော်ချောရေ...

    ကျွန်မ မေးမိတာကိုက မှားပါတယ်ရှင်

    ရှင့်ကို ရန်တွေ့ဖို့ စာစီထားတာတောင် ဘယ်ရောက်သွားမှန်း မသိတော့ဘူး

    ယောက်ျားတန်မဲ့ အသည်းကလည်း နုလိုက်တာနော်

    နည်းနည်းလေးတောင် အပြောမခံဘူး”

   “မောင်က ဘယ်နေရာပဲ ရောက်ရောက် စိတ်ကြမ်း ကိုယ်ကြမ်းလည်း နေနိုင်ပေမဲ့

    သက်ရှေ့ ရောက်ရင်တော့ အနုထည်လေးဖြစ်သွားတော့တာပဲ

    အဲ့ဒါကိုတော့ နားလည်ပေးနော်...သက်”

   “အင်းပါ..မောင်

    သိပ်ချွဲ မနေနဲ့အုံး

    ပုသိမ်ပြန်တဲ့ကား ဂိတ်သိမ်းမှီအောင် သက်တို့ သွားရအုံးမယ်

    ဒါမှ ဟိုကို ညခုနှစ်နာရီခွဲဝန်းကျင်လောက် ရောက်မှာ

    ပေးလေ.. သက်ကို မောင့်အထုပ်တွေ

    တော်ကြာ မောင်လေး နေအုံးမယ်”

   “ဟာ...ဘယ်ဖြစ်မလဲ... မောင်ဇနီးလောင်းလေးကို မခိုင်းရက်ပါဘူး

    ဒီရောက်ရောက်ချင်း သက်ကို မြင်ချင်လို့သာ မောင့်မိဘတွေကို သက်မိသားစုတွေဆီ ခွင့်တောင်းပြီး ကြိုခိုင်းလိုက်ရတာ

    အခု သက်ကို မြင်တော့ မောင် အမောတွေ ပြေသွားပြီ.. သွားကြမယ်လေ..သက်

    ဘယ်မှာလဲ... သက်ငှားလာတဲ့ တက္ကစီ”

   “အော်... ဟိုရှေ့က ကားဝါ၀ါလေးလေ...မောင်

    လာ... သက်တို့ အတူတူ သွားကြမယ်”

   မောင်က “အင်း” ဟုပြောရင်း သက် လက်ကို ဆွဲကာ ရပ်ထားသော တက္ကစီ ရှိရာသို့ သွား၏။ ကားသမားကလည်း အလိုက်သိစွာ မောင့်၏ ပစ္စည်းများအား ကူသယ်ပေး၏။ ထို့နောက် နောက်ခန်းကားတံခါးကို ဆွဲဖွင့်ရင်း သက်တို့နှစ်ယောက်အား တက်စေကာ ပစ္စည်းများကို နေရာချ၏။ သက်တို့ နောက်ခန်း၌ စနစ်တကျ ထိုင်ပြီးလောက်မှ ကားသမားက ကားကို တဟုန်ထိုး မောင်းနှင်လေတော့သည်။

   သက်တို့ကားလေး ဂိတ်ကို ရောက်လည်း ရောက်ရော မုန်လုံကားကြီးက ထွက်ခါနီး အချိန်ကိုက်ပင်။ ထို့ကြောင့် တက္ကစီသမားကို ကျသင့်ငွေ ပေးချေရင်း မှန်လုံကားကြီးပေါ်သို့ ပုသိမ်ပြန်ရန် နှစ်ယောက်သား တက်လိုက်ကြ၏။ သိပ်မကြာခင်မှာပဲ မှန်လုံကားကြီးသည် ပုသိမ်မြို့သို့ ဦးတည်၍ မောင်းနှင်ပါတော့သည်။

   သက်တို့ စီးလာသော မှန်လုံကားကြိး အဝေးပြေးဂိတ်၌ ဆုံးသွား၏။ ထိုမှတစ်ဖန် ကြိုပို့ ဒိုင်နာကားသို့ ခရီးသည်အားလုံး ပြောင်းစီးကြ၏။ မြို့ထဲသို့ ကြို့ပို့ဒိုင်နာကားကြီးဆိုက်သောအခါ ည(၇) နာရီခွဲတိတိပင်။ သက်တို့နှစ်ယောက် မောင့်ပစ္စည်းများကို အတူတူဆွဲချရင်း ဆင်းလိုက်ကြရ၏။ ထို့နောက် မောင်က ခရီးသည် အလုအယက်ခေါ်နေကြသော ဆိုက္ကား ဆိုင်ကယ် များထဲမှ ဆိုက္ကားတစ်စီးအား လှမ်းခေါ်လိုက်၏။

   သက်က ဆိုင်ကယ်တက္ကစီ မငှားဖူးလားဟု မောင့်ကို မေးသောအခါ မောင်က နှစ်ယေက် အတူသွားချင်လို့ ဆိုက္ကားငှားရကြောင်း ဖြေ၏။

   ထို့နောက် ဆိုက္ကားပေါ်သို့ ပစ္စည်းနဲ့လူ မျှတအောင် တင်ရင်း မောင် ဆိုက္ကားသမား ဦးလေးအား..

   “ဦးလေးရေ...

    ဥမ္မာဒန္တီလမ်းက (.....) အိမ်ကို အရင်ပို့ပေးပါဗျာ” ဟု ဆိုလိုက်၏။

   ထိုအိမ်ကား သက်၏ နေအိမ်ပင်။ သက်ကို အရင်ပို့ပေးပြီးမှ မောင်ပြန်မည့်ပုံရ၏။ ဆိုက္ကားသမား ဦးလေးကြီးက မောင့်ကို ခေါင်းညိတ်ပြပြီး သက်အိမ်ရှိရာသို့ တက်တက်ကြွကြွ နင်းလေတော့သည်။

   ဆယ့်ငါးမိနစ်ခန့် ကြာသောအခါ သက်တို့ အိမ်ရှေ့သို့ ရောက်၏။ သက်က..

   “မောင်... အိမ်ထဲကို မ၀င်တော့ဘူးလား...”

   “မ၀င်တော့ဘူး...သက်”

    မနက်ဖြန်ကျရင်လည်း သက်တို့ဆီ လာလည်အုံးမှာပဲ

    အဖေနဲ့ အမေတို့ကို နှုတ်ဆက်တယ်လို့ ပြောပေးအုံး”

   “မောင်နော်... ယူတောင် မယူရသေးဘူး

    ဘာ... အဖေနဲ့ အမေလည်း ...ဟွန်း

    သွားတော့မယ်”

   ဆိုက္ကားသမားကြီး ရှေ့မှာမို့ သက် ရှက်ရှက်နဲ့ မောင့်ကို ကြိမ်းမောင်းရင်း အိမ်ထဲသို့ ခပ်သုတ်သုတ် ၀င်လိုက်၏။ အပြင်ဘက်မှ မောင်နဲ့ ဆိုက္ကားသမားတို့၏ ရယ်သံကို အတွင်းဘက်၌ အတိုင်းသား ကြားနေရသည်။ သက် တစ်ယောက်တည်း ကြည်နှုးစိတ်ဖြင့် မျက်နှာက ပြုံးလျှက်။  ဒီနေ့တော့ မောင့်အကြောင်းတွေးရင်း သက်အိပ်ရေးပျက်ကာ အိပ်ယာထနောက်ကျ လိမ့်အုံးမည်။

*******************************************************************

   မနက်ကျတော့ အမေက သက်ကို လာ၍ နိုးရ၏။ ထို့ကြောင့် မဖွင့်ချင်သေးသော မျက်ခွံများကို အတင်းဆွဲဖွင့်ရင်း အိမ်အောက်သို့ ဆင်းလာသည်။  မောင်ကတော့ သက်၏ မိဘများနဲ့ စကားကောင်းလျှက်ပင်။

   သက်က မောင့်ကို လက်ဟန်ခြေဟန်ဖြင့် သွားတိုက် မျက်နှာသစ်အုံးမည့်အကြောင်း အချက်ပြ၏။ သက်ကို မောင်က ပြုံးပြလျှက် ခေါင်းညိတ်၏။

   သက်မျက်နှာသစ် အလှပြင်ပြီးတော့ နံနက်ကိုးနာရီ တီးခါနီးပြီ။ ကိုယ့်ချစ်သူနဲ့ အပြင်ထွက် ဈေးဝယ်သွားရမှာမို့ အလှကို အစွမ်းကုန် ပြင်ထားခြင်းပင်။ ပြင်ဆင်ပြီးနောက် နာရီကို ကြည့်ကာ နောက်ကျနေသဖြင့် ဧည့်ခန်းသို့ အမြန်ပြေးဆင်းလာရ၏။

   သက် ၀င်သွားတော့ ဧည့်ခန်းထဲမှာ မောင်တစ်ယောက်တည်း ကျန်နေခဲ့၏။ သက်၏ အဖေမှာ နံနက်ကိုးနာရီဆို ရုံးသို့ အချိန်မှီသွားရသဖြင့် မောင်တစ်ယောက်တည်း ကျန်နေခဲ့ခြင်းပင်။ သက်၏ အမေကလည်း ခုချိန်လောက်ဆို မောင်ပြန်လာသည့် အထိမ်းအမှတ်ဖြင့် ကိုယ်တိုင် ၀င်ရောက် ချက်ပြုတ်နေလောက်ပြီ။

   သက်က မောင့်ကို “သွားကြမယ်...မောင်” ဟုပြောလိုက်ရာ အမေက ကြားသွားပြီး မီးဖိုချောင်ထဲက လှမ်းသတိပေး၏။

   “သားနဲ့ သမီးတို့ ထမင်းစားချိန်မှီအောင် ပြန်ခဲ့နော်

    အမေ.... ဒီမှာ ချက်ထားတယ်”

   သားဟု အမေ၏ အသံကြားရသဖြင့် မောင်က ပြုံးနေလေ၏။ သက်က မျက်စောင်းလှမ်းထိုးလိုက်ရာ မောင်က တဟားဟား အော်ရယ်ရင်း...

   “ဟုတ်ကဲပါ... အမေ

    သားတို့အမှီ ပြန်လာခဲ့ပါ့မယ်” ဟု ပြန်ဖြေလေ၏။

   ထို့နောက် သက်တို့နှစ်ယောက်သား အိမ်ထဲမှ ထွက်ခွာလာခဲ့၏။ အိမ်ရှေ့မှာ ရပ်ထားသော မောင့်ဆိုင်ကယ်ပေါ်သို့ မောင်က အရင် အရှေ့မှ ထိုင်၏။ ပြီးလျှင် သက်ကို နောက်မှ ထိုင်ခိုင်းပြီး ခါးကို ဖက်စေ၏။ သက်က စချင်စိတ်ဖြင့် ခေါင်းခါပြရာ မောင်က စိတ်မကောင်းဟန် ပြလေ၏။ ထိုတော့မှ မောင့်အလိုကျ သက်က ခါးကို ဖက်လေသည်။ သက်က ခါးကို ဖက်လိုက်မှ မောင်ပြုံးလာကာ ဆိုင်ကယ်ကို လမ်းပေါ်သို့ ဦးတည်မောင်းနှင်လေတော့သည်။

   သက်တို့ စီးလာသော ဆိုင်ကယ်သည် ကမ်းနားလမ်းကို ဖြတ်သန်းလာသဖြင့် သင်္ကြန်မဏ္ဍပ်များအသီးသီးကို ဖြတ်ကျော်လာ၏။ ထိုအချိန်၌ သက်က မောင့်ခါးကို ဖက်ထားရင်း

   “သင်္ကြန်ရောက်ခါနီးပြီ..မောင်

    ဒီနှစ် သက်တို့နှစ်ယောက် ရေပက်ခံထွက်ကြမယ်နော်”

   သက်အပြောကို မောင်က ပြန်လည် မတုံ့ပြန်ဘဲ ငြိမ်သက်နေလေ၏။ မောင် ဘာဖြစ်လို့များ ငြိမ်သက်သွားလဲဟု သက် အဖြေရှာနေမိသည်။ မောင့်အကြောင်း ငယ်ငယ်လေးတည်းက ခရေစေ့တွင်းကျ သိနေခဲ့သူမို့ သက်ကြာကြာ မစဉ်းစားလိုက်ရ။ သက် သိလိုက်ရပါသည်။ ထိုသို့ မောင်ငြိမ်သက်နေရခြင်းမှာ သင်္ကြန်ရက်၌ ရေပက်ခံထွက်လိုက်တိုင်း မောင်နှင့် ဆက်နွယ်သော သွေးရင်းသားရင်းများ ကံဆိုးတတ်သောကြောင့်ပင်။

   ပြောပြရလျှင် မောင် ၁၆နှစ်သားလောက်က ဆယ်တန်းစာမေးပွဲ ပြီးဆုံး၍ သင်္ကြန်လည်ခွင့် ရခဲ့၏။ မောင်တို့အဖွဲ့ လေးရက်စလုံး အပျော်ကြီးပျော်ဖို့ စီစဉ်ထားသည့်အတိုင်း အောင်မြင်ခဲ့ပါသည်။ သို့သော် လေးရက်မြောက် အပျော်များဖြင့် ညနေပိုင်း အိမ်ပြန်လာသော မောင်သည် အိမ်သို့ ရောက်ရောက်ချင်း သတင်းဆိုးက ဆီးကြိုနေ၏။ ယင်းမှာ မောင့်အမေ နေ့လည် နှစ်နာရီလောက်က နှလုံးရောဂါထဖောက်ကာ ရုတ်တရက် ဆုံးပါးသွားခြင်းပင်။ မောင့်မှာ မောင့်အမေအသက်ကိုပင် မမှီလိုက်ရ။ ထိုကိစ္စကြောင့် မောင့်မှာ ယူကျုံးမရဖြစ်ကာ ဆယ်တန်းအောင်၍ ဒီနှစ်လုံးပါတာကိုပင် ၀မ်းမသာနိုင်ခဲ့။

   အဲ့ဒီကိစ္စတင်ပဲလားဆိုတော့လည်း မဟုတ်ပါ။ မောင့်အမေ မရှိတော့၍ မောင်တို့ သားအဖနှစ်ယောက် လောကဓံကို ငြိမ်းချမ်းစွာဖြင့် ဖြတ်သန်းနေတုန်းမှာပင် တဖန် ကံဆိုးပြန်သည်။ ထိုကံဆိုးသော အချိန်မှာလည်း မောင်တို့ အင်ဂျင်နီယာ ကျောင်းဆင်း၍ သူငယ်ချင်းများနှင့် အမှတ်တရ လည်ခဲ့သော သင်္ကြန်နောက်ဆုံးနေ့၌ပင်။ ဖြစ်ပုံမှာ မောင့်အဖေမှာ အငှားကားမောင်းသူဖြစ်ရာ သင်္ကြန်အတွင်း ချောင်းသာသို့ ရေပက်ခံခရီးထွက်သူများအတွက် လိုက်မောင်းပို့ရ၏။ ထိုအချိန်ကား သင်္ကြန်ရက်၏ နောက်ဆုံးနေ့ဖြစ်သော သင်္ကြန်အတက်နေ့၌ပင်။ ထိုသို့ မောင့်အဖေလိုက်ပို့ရင်း အပြန်လမ်း၌ ချောင်းသာအပြန်လမ်း၌ မမျှော်လင့်ဘဲ ကားမှောက်ကာ ဆုံးပါးသွားလေသည်။ တိုက်ဆိုင်မှုကလည်း ကြောက်ခမန်းလိလိပင်။ သို့ဖြစ်၍ မိသားစုထဲမှာ မောင်တစ်ယောက်တည်းသာ ကျန်ခဲ့တော့၏။

   မောင့်မှာ ၀မ်းနည်းစိတ်ဖြင့် မနေတတ်မထိုင်တတ်ဖြစ်နေတုန်းမှာပင် မောင့်ဦးလေးဆိုသူက ရောက်ရှိလာပြီး အားပေးနှစ်သိမ့်ကာ ကူညီပေးခဲ့၏။ မောင် အင်ဂျင်နီယာဘွဲ့ ရရှိပြီး စင်္ကာပူ၌ အလုပ်အကိုင် ရရှိခဲ့တာကလည်း ထိုဦးလေး၏ ကျေးဇူးပင်။ ယခုကား သုံးနှစ်သုံးမိုး ငွေစုပြီး ငယ်ချစ်ဖြစ်သော သက်နှင့် လက်ထပ်ဖို့ အမိမြေသို့ မောင်ပြန်လာခြင်း ဖြစ်၏။

   စကားများသောမောင် တိတ်ဆိတ်နေသောအခါ ကျောက်ရုပ်သဏ္ဍန်အလား ထင်မိ၏။ သက် ဈေးဝယ်ပြီးသွားသည် အထိ မောင်က ငြိမ်သက်မြဲ။ ထို့ကြောင့် သက်က မောင်ပျော်သွားအောင် စရ၊ နောက်ရ၏။ ထိုတော့မှ မောင်က အားနာဟန်ဖြင့် သက်ကို ပြုံးပြရှာသည်။ သက်အတွက် မောင့်အပြုံးက အသက်မပါသော ဟန်ဆောင်ပြုံးမှန်း သိသာလွန်းသည်။

   ထို့နောက် သက်က မောင့်ကို ထမင်းစားချိန်နီးပြီဖြစ်ကြောင်း လက်မှ နာရီကို ပြ၏။ မောင်က သိဟန်ဖြင့် ခေါင်းကို ညိတ်ကာ ဆိုင်ကယ်ပေါ်သို့ ပစ္စည်းနဲ့ သက်ကို မျှအောင် တင်ပြီး အိမ်ဘက်သို့ ဦးတည် မောင်းလေသည်။

   အိမ်ကို ပြန်ရောက်တော့ ထမင်းစားပွဲ၌ အသင့်ပြင်ထားသော ထမင်းပွဲ ဟင်းပွဲများ အုပ်ဆောင်းဖြင့် အုပ်ထားပုံကို တွေ့ရ၏။ သက်အဖေကလည်း မိသားစု ထမင်းစားပွဲသို့ ပြန်ရောက်နေလေသည်။ ထမင်းစားပြီးရင်တော့ အဖေ ရုံးသို့ ပြန်သွားရအုံးမည်။ သက်တို့ မိသားစု ထမင်းစားပွဲ၌ စည်းကမ်းတစ်ခုရှိ၏။ ထိုစည်ကမ်းက မည်သူ ဘယ်လောက်ပဲ ဗိုက်ဆာနေပါစေ မိသားစုစုံညီအောင် စောင့်ပြီးမှသာ ထမင်းပွဲစတတ်၏။ အခုတော့ သက်တို့ ပြန်ရောက်လာ၍ လူစုံတက်စုံဖြစ်ကာ ထမင်းဝိုင်းမှ ဇွန်းသံ ခက်ရင်းသံများ စကားသံများဖြင့် စည်းကားနေလေသည်။

   အားလုံး စားသောက်ပြီ၍ အချိုပွဲသုံးဆောင်နေစဉ်မှာပင် အမေက သက်ကို အဒေါ်က ဖုန်းလှမ်းဆက်ကြောင်း ပြော၏။ အမေ့ညီမဖြစ်သော သက်အဒေါ်က စကိုင်းတောင်ရိုးရှိ သီလရှင်ကျောင်းမှ ဆရာလေးတစ်ပါးပင်။ ဒီနှစ်လည်း သက်ကို အရင်နှစ်လို တရားစခန်းဝင်အုံးမည်လားဟု လှမ်းမေးခြင်းပင်။ သက်က အမေ့ကို ဒီနှစ်တော့ တရားစခန်း မ၀င်ဖြစ်သည့်အကြောင်း ၊ မောင်နှင့် ရေပက်ခံ ထွက်လည်ကျမည့်အကြောင်း ပြန်ဖြေပေးရင် တောင်းဆို၏။ သက်ကိုယ်တိုင်က အရင်က ၀င်ဖြစ်သော အခံနှင့် ဒေါ်လေးကို ခေါင်းခါရာမှာ ၀န်လေးနေမိ၏။

   သက်နှင့် အမေပြောသောစကားကို မောင်ကြားသိဟန်ဖြင့် သက်ပြင်းကိုသာ ချနေ၏။ သက်စီစဉ်ပြီးသား အစီအစဉ်မို့ မောင် စိတ်လျော့ကာ လိုက်လျောတော့မည့်ပုံပင်။ သက်က မောင့်ကို အကြိုနေ့ကစပြီး လည်ဖြစ်မည်အကြောင်း ပျော်ပျော်ရွှင်ရွှင် ပြောမိ၏။ မောင်က ခေါင်းညိတ်ကာ “သက် အလိုကျပါ” ဟု ပြုံး၍ ပြောရှာပါသည်။ သက်ပျော်ရွှင်သွားဟန်ဖြင့် အဖေအမေတို့ အလစ်မှာ မောင့်နဖူးအား အနမ်း ခိုးခြွေလိုက်၏။ သက် အနမ်းကြောင့်လားတော့ မသိ။ ဒီတစ်ခါ မောင့် အပြုံးမှာ အသက်ဝင်၍ ပီပြင်လှပေသည်။

***************************************************************************

   သင်္ကြန်အကြိုနေ့မို့ သက် စောစောနိုးဖြစ်၏။ သက်နိုးပြီးပြီးချင်း အိပ်ခန်းမှ ပြူတင်းပေါက်ကို ဖွင့်လိုက်ရာ အိမ်ရှေ့ပိတောက်ပင်ကြီး၌ ပန်းများပွင့်နေသည်ကို မြင်ရ၏။ အခန်းထဲသို လေပြေတိုက်ခတ်တိုင်း သယ်ဆောင်လာသော ပိတောက်ရနံ့က သက်အတွက် စိတ်ချမ်းသာစရာပင်။ တစ်နှစ်မှာ တစ်ခါ၊ တစ်ခါမှာ တစ်ရက်သာပွင့်သော ပိတောက်ပန်းများကို သက်မြတ်နိုင်း၏။ သက်မြတ်နိုင်းခြင်း၏ တစ်ခုတည်းသော အကြောင်းအရာကား မောင့်အပေါ်ထားရှိသော သက်အချစ်နဲ့ ဆင်တူသောကြောင့်ပင်။ တကယ်လည်း တူညီပေသည်။ မောင်အပေါ် သက်ရဲ့အချစ်က တစ်ကြိမ်တည်းမှာ တစ်ယောက်တည်းကိုမှ ရင်ခုန်စေပြီး တစ်ဦးတည်းကိုပဲ ချစ်မြတ်နိုးခဲ့သည် မဟုတ်လား။

   သက် ပိတောက်ကို အလှကြည့် ကြည်နှုးနေရာမှ မောင်ရောက်လာရင် လျှောက်လည်ဖို့ အဆင်သင့် ပြင်ဆင်လိုက်၏။ သိပ်မကြာခင်မှာပဲ မောင်ရောက်လာပါသည်။ မောင် ရောက်လာပြီး မရှေးမနှောင်းမှာပင် သက်ကြိုတင် ငှားရမ်းထားသော အမိုးဖွင့်တိုယိုတာ ကားဖြူလေးလည်း ဆိုက်ရောက်လာ၏။ ထိုကားမှ ဟွန်းတီးခေါ်သံကြောင့် သက်တို့နှစ်ယောက် အပြေးလေး အိမ်ရှေ့သို့ ထွက်လာကြ၏။ ပြီးလျှင် သက်တို့ ကားပေါ်သို့ နှစ်ယောက်သား တက်လိုက်ကြ၏။ ကားပေါ်၌ သက်တို့မှလွဲ၍ မည်သူမျှ မရှိသေးချေ။ ကြည့်ရတာ သက်တို့ကို အရင်ဦးစားပေး ခေါ်တာပဲ ဖြစ်မည်။ ဒါပြီးရင်တော့ သူငယ်ချင်းများကို လိုက်လှည့် ခေါ်ရအုံးမည်ပုံ။

   သက်တို့ကားပေါ်ရောက်၌ မောင်းထွက်သွားပြီး သက်သူငယ်ချင်းများရှိရာသို့ လှည့်တင်သည်။ မောင့်သူငယ်ချင်းများကိုလည်း သက်က လိုက်စေ၏။ မောင်မှာတော့ သူငယ်ချင်းမှာ ရှားရှားပါးပါး ထူးမောင်နှင့် ရဲမင်းနှစ်ယောက်သာရှိသည်။ သက်သူငယ်ချင်းမှာမူ အတော်များ၏။ ကျောင်းနေဖက်သူငယ်ချင်းများမှာ ဆယ်ယောက်ခွဲကျော်လောက် ပါဝင်သည်။ သက်တို့အုပ်စုကို မောင်တို့ သုံးယောက်နဲ့ ပေါင်းလိုက်ပါက ကားပေါ်မှာ (၂၁)ယောက် အတိပင်။

   ကားပေါ်၌ လူစုံပြီဆိုတာနဲ့ ကမ်းနားလမ်းရှိ မဏ္ဍပ်များသို့ လှည့်၏။ အကြိုနေ့မို့ နံနက်ပိုင်း လူသိပ်မစည်သေးချေ။ ထို့ကြောင့် သက်တို့ နည်းနည်းပါးပါးသာ လည်ဖြစ်ပြီး ထမင်းစာချိန်အမှီ ပြန်လာခဲ့သည်။ နေ့လည်လောက်မှ သက်တို့အုပ်စု ပြန်စုကာ ဗဟိုမဏ္ဍပ်ဖွင့်ပွဲအမှီ သွား၏။ သက်တို့ ရောက်သွားပြီး သိပ်မကြာခင်မှာပင် ယိမ်းသမလေးတို့၏ အကအလှနှင့်အတူ ဖွင့်ပွဲကြီးကို စည်ကားစွာ ဖဲကြိုးဖြတ် ဖွင့်လှစ်လိုက်၏။ ဖွင့်ပွဲစတင်သည့် အချိန်မှာစ၍ လူတွေမှာ ပုရွက်ဆိတ်အုံ တုတ်နဲ့ ထိုးသည့်အလား မဏ္ဍပ်ရှေ့၌ ကြိတ်ကြိတ်တိုးနေ၏။ ထိုအချိန်မှစ၍ မဏ္ဍပ်တိုင်းကလည်း ပျော်ပျော်ရွှင်ရွှင် ရေကစားပါတော့သည်။

   သက်တို့ကားလေးမှာ ဖွင့်ပွဲကဏ္ဍပြီးဆုံးသည်နှင့် ကမ်းနားလမ်းတစ်လျှောက်ရှိ မဏ္ဍပ်များသို့ လျှောက်လည်၏။ ထိုတင်မက မြို့တွင်းသို့လည်း နှံ့နေအောင် ပတ်၏။ ဒါတင်ပဲလား ဆိုတော့လည်း မဟုတ်သေးချေ။ လူအလွန်ရှုပ်ထွေးလှသော တောင်ပေါ်မဏ္ဍပ်များရှိရာသို့လည်း မရောက်ရောက်အောင် သွားသေးသည်။ သက်မြင်ရသလောက် နှစ်သစ်မှာ အားလုံးက ပျော်ပျော်ရွှင်ရွှင်နဲ့ပင် စကြ၊ နောက်ကြ၏။ ပျော်စရာမြင်ကွင်းကြီး တစ်ခုလို နှစ်သက်ဖွယ်ကောင်း၏။ သို့သော်လည်း မူးရစ်ရမ်းကားတတ်သူ အနည်းအကျဉ်းရှိနေတာကိုက စိတ်မချမ်းသာစရာပင်။ လုံခြုံရေးများကလည်း တာဝန်ကျေပါသည်။ တားသင့်တာကို တား သတိပေးသင့်တာပေးဖြင့် အလုပ်ရှုပ်နေကြ၏။

   သက်တို့ အုပ်စု ညနေစောင်းတော့ တောင်ပေါ်အကြော်ဆိုင်မှာ ပူပူနွေးနွေး အကြော်များ စားသုံး၏။ ထို့နောက်မှာတော့ အိမ်ကို ပြန်လေသည်။ ညနေပိုင်း သက်၏ အစီအစဉ်မှာတော့ မောင်နှင့်သက် နှစ်ယောက်တည်းသာ မဏ္ဍပ်ပေါင်းစုံသို့ လျှောက်ကြည့်ကြ၏။ သက်တို့ လျှောက်ကြည့်ကြသော မဏ္ဍပ်များမှာ တစ်ခုနဲ့ တစ်ခု အသွင် မတူညီကြချေ။ အပြင်အဆင်မှ အစ၊ အကအလှ၊ အဆိုအပြော၊ အတီးအမှုတ် စသည်တို့မှာ မတူခြားနားစွာ လှပနေကြ၏။ ဒါတွေတင်မက သံချပ်အဖွဲ့များ၏ ခေတ်ဝေဖန်မှု သရော်ဟန်များကိုလည်း သက်တို့နှစ်ယောက်စလုံး သဘောကျကြ၏။ ပွဲစဉ်ပြီးသည်အထိ သက်တို့ ကြည့်ကြသောကြောင့် ညအတော်နက်မှပင် အိမ်သို့ ပြန်ရောက်ကြ၏။ ထိုသို့ သက်တို့နှစ်ယောက်စလုံး ပင်ပန်းသော်လည်း မနက်၊ ည အစီအစဉ်နှစ်ခုစလုံးကို လက်မလွှတ်ကြချေ။ သက်တို့နှစ်ယောက်မှာ အချိန်အတော်ကြာ သင်္ကြန်မှာ တွဲသွားတွဲလာ လုပ်နေကြသော်လည်း ပျော်ရွှင်မှုကြောင့်ပင်လားမသိ နှစ်ယောက်စလုံး အချိန်ကုန်မြန်သည်ဟု ထင်နေမိကြသည်။

   သက်တို့နှစ်ယောက် ထိုအစီအစဉ်အတိုင်း လှုပ်ရှားနေကြရာ သင်္ကြန်နောက်ဆုံးနေ့သို့ပင် ရောက်ရှိလာသည်။ ထို့နေ့ကျမှာပင် တိုက်တိုက်ဆိုင်ဆိုင် သက်က နေမကောင်း။ သုံးရက်စလုံး ပင်ပန်းစွာ လည်ခဲ့ရသည့် ဒဏ်ကြောင့် ပန်းဖျား ဖျားခြင်းပင် ဖြစ်၏။

   ထိုသို့ ဖျားနေသော်လည်း သက်က မောင်နှင့်အတူ ကားပေါ်တက်လိုက်ချင်သေး၏။ သိုသော်လည်း မောင်နဲ့ အမေ နှစ်ယောက်စလုံးက ခွင့်မပြုကြချေ။ မောင်ဆို ပို၍ပင် စိုးရိမ်သေး၏။ သင်္ကြန်နောက်ဆုံးနေ့ ရောက်တိုင်း သူနဲ့ ဆက်နွယ်သောသူ တစ်ခုခု ဖြစ်တတ်သောကြောင့် အစိုးရိမ်လွန်ခြင်းပင်။ ထို့ကြောင့် သင်္ကြန်လည်မည့်ကားနဲ့တောင် မလိုက်တော့ဘဲ သက်နားမှာ စောင့်ရှောက်နေမည်ဟု ပြော၏။ မောင် အဲ့ဒီလိုပြောသည်ကို သက်က လက်မခံချေ။ မောင်ကို လိုက်သာ သွားဖို့ အတင်းတိုက်တွန်း၏။ “သက်ကို ချစ်ရင် လိုက်သွားရမယ်” ဟု အကျပ်ကိုင်လိုက်မှ မောင်ပျာပျာသလဲနဲ့ လိုက်သွားရှာလေသည်။ သက် မောင့်ကို လိုက်သွားခိုင်းရခြင်းမှာ ကားအပေါ် မိန်းကလေးများနေ၍ စောင့်ရှောက်ဖို့ ယောက်ျားလေးအဖော် နည်းသောကြောင့် ဖြစ်၏။ တချို့ အကျင့်ယုတ်ညံ့သူများရန်မှ မိန်းကလေးတွေကို ယောက်ျားလေးများကသာ စောင့်ရှောက်နိုင်ပေသည်။

   မောင်တို့အဖွဲ့ ထွက်သွားတော့ အမေက သက်ကို ဆေးလာတိုက်၏။ သက် သောက်ပြီး သိပ်မကြာခင်မှာပင် တစ်ကိုယ်လုံးလည်း နုံးချိနေရာ ဆေးအရှိန်ကြောင့်ပင်လား မသိ နှစ်နှစ်ခြိုက်ခြိုက် အိပ်ပျော်သွား၏။

   သက်တရေးနိုးလာတော့ အမေက သက်ရဲ့ အိပ်ရာဘေးမှာ စောင့်ရင်း အိပ်ပျော်နေလေသည်။ သက် အာခေါင်ခြောက်အောင် ရေဆာလာသဖြင့် ရေသောက်ချင်မိသည်။ သို့သော်လည်း အမေ့ကို သက်မနှိုးရက်။ ထို့ကြောင့်ပင် သက်ကိုယ်တိုင် အားစိုက်ပြီး ရေသောက်ဖို့ ကြိုးစားသည်။

   အိပ်ရာဘေး၌ ထောင်လျက်ထားသော ရေဘူးနဲ့ ဖန်ခွက်ကို သက် မမှီတမှီ လက်လှမ်းလိုက်လိုက်၏။ ထိုအခါ ရေဘူးကို လှမ်းမိသော်လည်း ဖန်ခွက်က လက်မှ ချော်ထွက်သွားလေသည်။ ထို့ကြောင့် တိတ်ဆိတ်သော အခန်းထဲ “ခွမ်း...” ခနဲ့ မြည်သံကြီးက ကြောက်လန့်ဖွယ်ရာ ထွက်ပေါ်လာ၏။ သံမံတလင်းပေါ် ဖန်ခွက်ကျကွဲသွားတဲ့ အသံကြောင့် အိပ်နေသော် အမေပင် လန့်နိုးလာသည်။ သက်မှာမူ ကာယကံရှင်မို့ လက်ရှိအဖြစ်အပျက်ပေါ် ကြက်သေ သေနေမိ၏။

   အမေကတော့ သက်ကို ဘာမှ အပြစ်မပြောချေ။ မပြောသည့်အပြင် ကြမ်းပြင်၌ ပြန့်ကျဲနေသော ဖန်ခွက်အစအနများကို လိုက်သိမ်းဆည်းနေ၏။ ထို့နောက်မှာတော့ သက်ကို ရေခပ်တိုက်၏။

   သက်မှာသာ ရေငတ်သောစိတ် အလိုလိုပျောက်သွားပြီး အမေပေးသော ရေခွက်ကိုင်ပြီး ငိုင်နေမိ၏။ လူဆိုသည်မှာလည်း ကြောက်လန့်စရာ အာရုံတွေ့လျှင် ရှိရင်းစွဲ ဖြစ်ချင်စိတ် ပျောက်သွားတတ်၏။

   ထိုအချိန်မှာပင် တိုက်တိုက်ဆိုင်ဆိုင် စားပွဲပေါ်မှ သက်ရဲ့ကဖုန်းက “တတီတီ..” ထမြည်၏။ သက်မှာ နဂိုတည်းက လန့်သောအရှိန် မကုန်သေးရာ ဖုန်းသံကြောင့် တုန်တက်သွား၏။ နောက်ပိုင်းမှ ဖုန်း၏ မြည်သံမှန်းသိရာ မောင်ဆက်တာပဲ ဖြစ်မည်ဟု တွေးလိုက်သည်။ အမေက သက်ကိုင်ဖို့ မလွယ်မှန်းသိ၍ ကိုယ်စား ကိုင်ပေးရှာသည်။

   ထို့နောက် ဟိုဘက်က ဘာပြောလိုက်သည် မသိ အမေ အလန့်တကြား အော်ရှာသည်။ ၀မ်းနည်းနေသော အရိပ်အငွေ့က အမေ့မျက်နှာပေါ် ဖြတ်သန်းနေ၏။ အားလုံး ပြောကြားပြီးသည့်နောက် ဟိုဘက်က ဖုန်းချလိုက်ပုံရ၏။ အမေက လေးလေးပင်ပင် ဖုန်းကို ခပ်ဖြည်းဖြည်းချင်း ချလိုက်ပြီး သက်ကို ကြည့်နေရှာသည်။

   ထို့နောက် သက်က သိချင်စိတ်ဖြင့် အမေ့ကို အလောတကြီး မေး၏။

   “အမေ...

    မောင် ဘာများ မှာသွားသေးလဲဟင်”

   အမေက သက်ကို ချက်ချင်း ပြန်မဖြေဘဲ စိတ်မကောင်းဟန်ဖြင့်သာ ကြည့်နေ၏။ သက်က သိချင်စိတ်ဖြင့် ခေါင်းတမော့မော့ဖြစ်နေရာ အမေက သက်ကို ရင်ခွင်ထဲ ဆွဲထည့်၏။ ထို့နောက်မှာတော့ ဆုံးဖြတ်ချက် ချဟန်ဖြင့် သက်ကို ဖွင့်ပြောလေတော့သည်။

   “သမီး... စိတ်ခိုင်ခိုင် ထားနော်”

   အဲ့ဒီလို အမေပြောလိုက်မှ သက် စိုးရိမ်စိတ်က ဒီရေလို တိုးလာသည်။ ထို့ကြောင့် အမေ့ အမေးကို ခေါင်းကို ခပ်သွပ်သွပ် ညိတ်လိုက်၏။ သက်စိတ်ထဲမှာတော့ “ မောင်တစ်ခုခု မဖြစ်ပါစေနဲ့” ဟု အထပ်ထပ် အခါခါ ဆုတောင်း နေမိသည်။ သို့သော် အမေ ပြောလိုက်သော စကားကြောင့် သက် ဆုတောင်းမပြည့်တာ သေချာသွားတော့သည်။

   “သား... မောင် အောင်ပိုင်

    ဓားထိုး ခံရလို့ ဆုံးသွားရှာပြီတဲ့ သမီး”

   အမေက စကားလည်း ဆုံးရာ သားအရင်းဆုံးပါးသကဲ့သို့ သက်ကို ဖက်၍ ငိုရှာ၏။ အမေ့စကားအဆုံးမှာ သက်အဖို့ မယုံရဲအောင် ဖြစ်သွား၏။ အမေကတော့ အကြောင်းစုံကို ငိုရှိုက်ရင်း ဆက်လက်ပြောနေရှာသည်။ သက်မှာတော့ လက်ရှိသတိမှ လွတ်ကာ အမေပြောသော အသံအား နားမှ စွဲနေ၏။

  သက်ခေါင်းထဲမှာ ငြီးစိစိဖြင့် ကြားနေရတဲ့ အသံက အမူးသမားတစ်စုက မောင်တို့ ကားရှေ့၌ လမ်းပိတ်နေရာ မောင်က ဖယ်ပေးဖို့ မေတ္တာရပ်ခံကြောင်း၊ ဒါကို ဟိုဘက်က ရန်စတယ်ထင်ပြီး မောင့်ဝမ်းဗိုက်ကို ဓားနဲ့ ရုတ်တရက် ထိုးလိုက်ကြောင်း၊ မောင့်မှာ ချက်ကောင်းကိုမှ ဓားထိုးခံရ၍ ပွဲချင်းပြီး လမ်းပေါ်မှာပင် ဆုံးပါးသွားကြောင်း ထပ်ခါ ထပ်ခါ ကြား နေရ၏။

  သက် နားကို မည်သို့ပိတ်ပိတ် အသံက ကြားရတုန်း။ မကြားချင်လည်း ပိုကြားနေရ၏။ ထိုစကားကိုလည်း သက် ယုံကြည်စိတ် မရှိပါ။ မောင် ညနေကျရင် ပြန်လာမည်ဟု သက်ကို ဆက်ဆက်ပြောထားတာပဲဟာ။ ဒါကို ဘယ်သူတွေကများ သက်တို့ နှစ်ယောက်ကို စနောက်ကြတာလဲ။ ဒါဟာ မောင်ရဲ့တိုက်ဆိုင်မှု ကြမ္မာဆိုးတွေကို သိတဲ့သူက လုပ်တာပဲ ဖြစ်မယ်။ တော်တော် စိတ်ယုတ်စိတ်ပုတ် မွေးတဲ့သူ။ ဒါ တမင်သက်သက်လုပ်တာ။ အဲ့ဒီလူဟာ သက်တို့ သင်္ကြန်ပြီးရင် မင်္ဂလာဆောင်မှာကို မနာလိုလို့
ဖြစ်မယ်။ ပြီးတော့လည်း အစီအစဉ်မကျတဲ့ အလွဲကြီးနဲ့လူကို လန့်အောင် လုပ်သေးတယ်။ ဖြစ်မယ့်ဖြစ် မောင်နဲ့ ဆက်နွယ်တဲ့ သက်ပဲ တစ်ခုခု ဖြစ်ရမှာပေါ့။ မောင်က ဘာမှ မဖြစ်နိုင်ပါဘူး။ ဒီလို မဟုတ်တာ ပြောတဲ့သူတွေကို သက်ခွင်လွှတ်လို့ မဖြစ်ဘူး။ ဖုန်းထဲကနေ ရန်တွေ့လိုက်အုံးမယ်။

   သက်အတွေးများ ယောက်ယက်ခတ်ပြေးလွှားရင်း ဒေါသမျက်လုံး စူးစူးဖြင့် ခုနက အမေချထားသောဖုန်းကို ကောက်ယူကာ ဖုန်းနံပါတ်ပင် မနှိပ်ပဲ လှမ်းအော်တော့၏။ ဖုန်းလေးမှာသာ သက်ရဲ့ မကြားဝံ့ မနာသာ ဆဲဆိုသံများအောက် ဓားစာခံဖြစ်နေရှာသည်။ အမေကတော့ သက်ရဲ့အဖြစ်ကို ကြည့်ပြီး မူးမေ့လဲသွား၏။

   “ဟဲ့....ဘယ်လိုလူတွေလဲ++++++

    +++++++++++++++++++++

    မောင်ပြန်လာလိမ့်မယ်ဟေ့

     မောင်ပြန်လာလိမ့်မယ်++++++

     ++++++++++++++++++++”

စေပိုင်ထွဋ်(ပုသိမ်)(ရွှေမြို့ တော်)

(မှတ်ချက်။ ။ ဤ၀တ္ထုတိုသည် ပြတိုက်၌ ကျင်းပသော “လွမ်းငှက်တွန်ကျူး အတာနွေတန်ခူး” ခေါင်းစဉ်ဖြင့်ရေးသားရသော ၀တ္ထုတိုပြိုင်ပွဲတွင် ပူးတွဲတတိယဆုရရှိခဲ့ပြီး ဖြစ်ပါသည်။ သို့သော် ခေါင်းစဉ်နဲ့ သိပ်မလိုက်သဖြင့် ကျွန်တော် ခေါင်းစဉ်ပြန်ပြောင်းထားပါသည်။ အပိုင်းဆက်များနှင့် တင်ဖို့ ရည်ရွယ်၍ “တန်ခူးမှာ ပွင့်သော ဓမ္မပန်း” ဟု ရေးသားဖို့ အစပျိုးခဲ့သေးပါသည်။ သို့သော်လည်း ဇာတ်လမ်းမှာ မတရားရှည်လွန်းနေသဖြင့် ခု လိုက်ဖက်သော ခေါင်းစဉ်နဲ့သာ အတိုချုံ့ ရေးသားခဲ့ခြင်း ဖြစ်ပါကြောင်း ၀န်ခံအပ်ပါသည်)





Read More

တွဲလက်များ ပညာရေးကူညီမှုအသင်းမှ လာရောက်လည်ပတ်သူများ အားလုံးကို နွေးထွေးစွာကြိုဆိုပါတယ်၊ဝေဖန်အကြံပေးခြင်းများကိုလဲ စွမ်းနိုင်တဲ့ဘက်က ကူညီပြောပေးကြစေလိုပါတယ်။

လာရောက်လည်ပတ်သူအားလုံး ကိုယ်စိတ်နှစ်ဖြာရွှင်လန်းချမ်းမြေ့ကြပါစေ " မိမိတို့၏ ဦးခေါင်းကို အပေါ်သို့ မော့ကြည့်မနေဘဲ မိမိတို့၏ အောက်ရှိ သူများကို ငုံ့ကြည့်ခြင်းဖြင့် စာနာကူညီပါ။ ၎င်းသည် မွန်မြတ်သည့် ပရပိာတလုပ်ငန်းပါ။"