အမျိုးသားတစ်ယောက်အတွက် ဤဘ၀ချမ်းသာကြောင်း တစ်ရားလေးမျိုး

အမျိုးသားတစ်ယောက်အတွက် ဤဘ၀ချမ်းသာကြောင်း တစ်ရားလေးမျိုး



အခါတပါး၌ကောဠိယ၏သားဖြစ်သောဇာဏုအမည်ရှိသောအမျိုးသားတစ်ယောက်သည် ကောဠိယနိဂုံးဝယ်သီတင်းသုံး တော်မူသော ဘုရားရှင်အားလျှောက်ထားသည်မှာ -အရှင်ဘုရား ကာမစည်းစိမ်ကိုခံစားလျက် လူဝတ်ကြောင်ဖြစ်သော တပည့်တော်တို
့သည်၊ သားသမီးတို့ ဖြင့်ကျဉ်းမြောင်းကြပ်တည်းသော အိပ်ရာ၌နေကြရပါကုန်၏။
(အိမ်ကကြီးစေကာမူ စိုးရိမ်ကြောင့်ကြဘွယ်များသော ကြောင့်
ကျဉ်းမြောင်းကြပ်တည်းသည်ဟုဆိုသည်။ ကာသိတိုင်းမှထွက်သော စန္ဒကူးနံ့ သာများကို
သုံးစွဲကြပါကုန်၏။ ပန်းနံ့ သာ အမွှေး အကြိုင်မျက်နှာခြေ စသည်တို
့ကိုလည်းသုံးစွဲကြကုန်၏။ ရွှေငွေကိုလည်း သာယာနှစ်သက်စုံမက်ကြပါကုန်၏။
ထိုကဲ့သို့  သာယာဘွယ်တို့ တို့ ကိုသာယာလျက် ကာမစည်းစိမ်ကို မစွန်
့ရက်နိုင်ဖြစ် နေသောတပည့်တော်တို့ အား ဤဘ၀နောက်ဘ၀တို့ ၌စီးပွါးချမ်းသာကို
ဖြစ်စေနိုင်သောတရားတို့ ကိုဟောကြားတော်မူ ပါဟုလျှောက်ထားလေသည်။
အမျိုးသားတစ်ယောက်အတွက် ဤဘ၀၌ စီးပွားချမ်းသာဖြစ်ဖို့  ရာအကြောင်း တရားတို့ 
သည်........

(၁) ဥဋ္ဌာနသမ္ပဒါ -မပျင်းမရိလုလ္လရှိရမည်၊

(၂) အာရက္ခသမ္ပဒါ -လုံခြုံအောင် သိမ်းဆည်းတက်ရမည်။

(၃) ကလျာဏမိတ္တတာ -မိတ်ကောင်းဆွေကောင်းနှင့်ပြည့်စုံရမည်။

(၄) သမဇီဝိတာ -မျှမျှတတ စားသောက်နေထိုင်တက်ရမည်။

ဥဋ္ဌာနသမ္ပဒါဟူသည်

ဤလောက၌ အမျိုးသားသည်အသက်မွေးဝမ်းကြောင်းတမျိုးမျိုးဖြင့်အသက်မွေးရသည်။


ထိုအသက်မွေးရာ၌


(က)လယ်ယာလုပ် ကိုင်မှုဖြင့်ဖြစ်စေ

(ခ) ကူးသန်းရောင်းဝယ်မှုဖြင့်ဖြစ်စေ

(ဂ) နွားကျောင်းမှုဖြင့်ဖြစ်စေ

(ဃ)လေးအတက်ဖြင့်ဖြစ်စေ

(င)မင်းမှုထမ်းခြင်းဖြင့်ဖြစ်စေ

(စ)အခြားသောအတက်တစုံတခုဖြင့်ဖြစ်စေအသက်မွေးရသည်။ (ဤစကားတော်ဖြင့် အသက်မွေးဝမ်းကြောင်းအလုပ် မရှိပဲ လူ့ ဗော်ကျော့၊ လူ့ တေလေလုပ်၍မနေရဟုဟောတော်မူလိုသည်)။

မည်သည့်အလုပ်ဖြင့် အသက်မွေးသည်ဖြစ်စေ ထိုအလုပ်၌ကျွမ်းကျင်မှုရှိရသည်။ မပျင်းမရိလုလ္လရှိရသည်။
ထိုအမှုကိစ္စ နှင့်ဆိုင်ရာဝယ် အကြောင်းအားလျော်စွာ စူးစမ်းနှိုင်းချိန်တက်သော
ဉာဏ်လည်းရှိရမည်။ ကိုယ်တိုင်လုပ်ခွင့်ကြုံလာလျှင်
ကိုယ်တိုင်လုပ်နိုင်စွမ်းရှိရမည်။ သူ့ ကိုစီမံခွင့်ကြုံလျှင် စီမံတက်ရမည်။
ဤသို့ ဆိုင်ရာအလုပ်တို့ ၌ ကျွမ်းကျင်မှုအခြေခံ ပညာ၊ မပျင်းမရိဇွဲရှိမှုဝီရိယ၊
စူးစမ်း နှိုင်းချိန်တက်သောဉာဏ် ဤသုံးတန်နှင့်ပြည့်စုံခြင်းကို
ဥဋ္ဌာနသမ္ပဒါ-ဟုခေါ်သည်။

(ဆောင်)အလုပ်ဆိုင်ရာ ကျွမ်းကျင်စွာဘိ ပညာရှိ၍ ၀ီရိယဇွဲ သတ္တိခဲနှင့် ကိုယ်လဲလုပ်တက် စီမံတက်မှ ဥဋ္ဌာန၊ မည်ရ သမ္ပဒါ။

အာရက္ခသမ္ပဒါဟူသည်

ဥဋ္ဌာနသမ္ပဒါနှင့်ပြည့်စုံသောအမျိုးသား၏ ထကြွလုံးလ၀ီရိယကြောင့်ရအပ်ကုန်သော လက်ရုံးအားဖြင့်စုဆောင်း၍ထား အပ်ကုန်သော
နဖူးကချွေးခြေမကျအောင်ရှာဖွေအပ်ကုန်သော စီးပွားဥစ္စာတို့ သည်
ဓမ္မိက(တရားသဖြင့်ရှာဖွေအပ်)
ဓမ္မလဒ္ဓ(တရားသဖြင့်ရအပ်သောစီးပွားဥစ္စာများဖြစ်ကြပေသည်။ ထိုစီးပွားဥစ္စာတို
့ကိုစောင့်ရှောက်နည်းအမျိုးမျိုးဖြင့် လုံခြုံစေရမည်။

မည်ကဲ့သို့ နည်းဖြင့်စောင့်ရှောက်မှုကိုပြုလျှင် (က)မင်းတို
့သည်မယူနိုင်ပါကုန်အံ့နည်း၊ (ခ)သူခိုးဓားပြတို့ သည်မယူနိုင်ပါ ကုန်
အံ့နည်း၊ (ဂ)မီးသည်မလောင်ကုန်အံ့နည်း၊ (ဃ)ရေသည်မဆောင်နိုင်ပါအံ့နည်း၊
(င)အမွေခံသားသမီးတို့ သည်မယူ နိုင်ပါကုန်အံ့နည်း၊ ဤသို
့တွေးတောကြံစည်ကာ(ရေမီးသူခိုးမွေခံဆိုးနှင့်မင်းဆိုးအပြား၊
ရန်သူမျိုးငါးပါးကြောင့်)မပျက်ပြား နိုင်လောက်အောင်
စောင့်ရှောက်နည်းအမျိုးမျိုးဖြင့် လုံခြုံအောင်သိမ်းဆည်းတက်ခြင်းကို
အာရက္ခသမ္ပဒါ အစောင့်ရှောက် ကောင်းခြင်းဟုဆိုရသည်။

(ဆောင်) ရေမီးသူခိုး မွေခံဆိုးနှင့် မင်းဆိုးအပြား ရန်မျိုးငါးကြောင့် မပျက်ပြားတတ် စောင့်ရှောက်တက်မှ အာရက္ခမည်ရ သမ္ပဒါ။

ကလျာဏမိတ္တတာဟူသည်

မိမိနေရာမြို့ ရွာနိဂုံး၌ အသက်အရွယ်ငယ်စေကာမူ အကျင့်အားဖြင့်ကြီးကုန်သော
ကြီးသူဖြစ်လျှင်လည်း အကျင့်စာရိတ္တ ပါကြီးရင့်ကုန်သော
သဒ္ဓါသီလစာဂပညာနှင့်ပြည့်စုံကြသော အိမ်ပိုင်ယာပိုင်ရှိ၍ ဂဟပတိမည်သူ
ထိုဂဟပတိ၏သားဖြစ် သူများရှိကြပေလိမ့် မည်။ ကြီးပွားလိုသောအမျိုးသားသည်
ထိုဂဟပတိနှင့်လည်းကောင်း ထိုဂဟပတိ၏သားနှင့်လည်း ကောင်း အတူနေ အတူပြော
အတူဆွေးနွေးသောအားဖြင့် အပေါင်းအသင်းလုပ်ရမည်။

ထိုသို့ မိတ်ကောင်းနှင့်ပေါင်းသောအမျိုးသားသည် မိတ်ဆွေကောင်း၏
သဒ္ဓါတရားကောင်းပုံကိုအတုလိုက်၍ မိမိလည်း သဒ္ဓါတရားကောင်းလာ၏။
သီလနှင့်ပြည့်စုံပုံကိုအတုလိုက်၍ မိမိလည်းသီလနှင့်ပြည့်စုံလာ၏။ စွန်
့ကြဲပေးကမ်းမှုစာဂကို အတုလိုက်၍ မိမိ လည်းစွန့် ကြဲပေးကမ်းတက်လာလိမ့်မည်။
အသိအလိမ္မာပညာနှင့်ပြည့်စုံပုံကိုအတုလိုက်၍ မိမိလည်း
အသိအလိမ္မာပြည့်စုံလာလိမ့် မည်။ ဤသို့ မိတ်ဆွေကောင်း၏ ကောင်းသောအမှုသို
့အတုလိုက်ခြင်းကို ကလျာဏ မိတ္တတာ မိတ်ကောင်းဆွေကောင်းနှင့်ပေါင်း သင်းခြင်း
ဟုခေါ်ရသည်။ (မိတ်ကောင်းဆွေကောင်းနှင့်ပေါင်းရုံသာမကဘဲ
မိတ်ကောင်းဆွေကောင်း၏အတုကိုလည်း လိုက်ရမည် ဟုဟောတော်မူလိုရင်းဖြစ်သည်)။

(ဆောင်) သဒ္ဓါသီလ စာဂပညာ လေးဖြာစုံတောင်း မိတ်ဆွေကောင်းနှင့် ပေါင်း၍အတု ကိုယ်ကပြုမှ ကလျာဏ မိတ္တပြည့်စုံသည်။

သမဇီဝိတာဟူသည်

အမျိုးသားသည် မိမိမှာရှိသောစည်းစိမ်ဥစ္စာတို့ ၏၀င်လာသော အရဘက်ကိုလည်းကောင်း၊
ထွက်သွားသောအကုန် အကျဘက်ကို လည်းကောင်း သိ၍ကြီးကြီးကျယ်ကျယ်လည်း မဖြစ်စေ၊
သိမ်သိမ်ငယ်ငယ်လည်းမဖြစ်စေ အကုန်နှင့်အရ
မျှတအောင်အသက်မွေးမှုကိုသမဇီဝိတာဟုခေါ်သည်။ ထို့ သို့ အသက်မွေးလျှင်
ဝင်လာသောအရဘက်ကများ၍ ထွက်သွားသောအကုန်အကျဘက်ကို လွှမ်း မိုးလိမ့်မည်။ ထို
့ကြောင့်အကုန်နှင့်အရမျှတ မမျှတကိုသိတက်ရသည်။

ဥပမာ-ချိန်ခွင်ကြီးကို ကိုင်ဆောင်ထားသူသည် ချိန်ခွင်ကြီးကိုမြှောက်လိုက်သောအခါ
မည်၍မည်မျှနိမ့်ကျနေသည်၊သို့  မဟုတ်မည်
၍မည်မျှအထက်ထောင်နေသည်ဟုသေချာစွာသိတက်သကဲ့သို့ တည်း။ ထိုသို
့သိအောင်အလုပ်အကိုင်များ၌ အကုန်နှင့်အရကိုပြ သော စာရင်းစာအုပ်ရှိရပေသည်။

(ဆောင်)စားဝတ်နေပုံ နေ့ စဉ်ခြုံလျက် အကုန်အရ နှိုင်းချိန်ဆသော် အရဘက်ကသာစေမှ မသဇီဝိတာခေါ်။

အထက်ပါတရားလေးပါးဖြင့် မိမိ၏ ပစ္စုပ္ပန်ဘ၀ချမ်းသာအောင် ကြိုးစားနိုင်ကြပါစေ။



  (အရှင်နာယကာလင်္ကာရ)

Posted in: အထွေထွေဗဟုသုတ